Vigo, 28 de marzo de 2026

O conselleiro de Cultura, Lingua e Xuventude, José López Campos, salientou hoxe a “homenaxe sustentable” ao patrimonio de Galicia que realiza o artista Kike Ortega na exposición O camiño das bateas, na que emprega material de refugallos para pór en valor tanto os bens senlleiros da Comunidade como a economía circular, e que pode verse ata o 10 de abril na sede de Afundación en Vigo, tras a súa exhibición na de Pontevedra.

Sanxenxo (Pontevedra), 27 de marzo de 2026

O director xeral de Cultura, Anxo M. Lorenzo, inaugurou hoxe no concello pontevedrés de Sanxenxo a mostra Botamos un baile? Un século de orquestras de verbena en Galicia, coa que a Xunta exhibe a evolución destas agrupacións desde principios do século XX ata a actualidade para pór en valor a súa historia e legado cultural. O proxecto, que se enmarca dentro das itinerancias expositivas da Cidade da Cultura, pode visitarse ata o 3 de maio no paseo de Portonovo.

Santiago de Compostela, 29 de marzo de 2026.- A Xunta publicou no Diario Oficial de Galicia a convocatoria anual de subvencións para a comercialización e difusión exterior de proxectos e obras audiovisuais e videoxogos, ás que destina unha dotación de 80.000 euros.

Santiago de Compostela, 27 de marzo de 2026

Mauro Herce, premiado director de fotografía do filme Sirât, impartirá mañá na Cidade da Cultura de Galicia un curso intensivo no que participará unha vintena de profesionais galegos en activo no ámbito audiovisual. A xornada formativa, que conta co patrocinio da Xunta, insírese no programa Aula CREA, organizado pola Asociación de Profesionais da Direccción e a Realización de Galicia.

A Coruña, 26 de marzo de 2026

A delegada da Xunta, Belén do Campo, asistiu á inauguración da exposición Lalique. A beleza no Art Nouveau e no Art Déco, que acolle a Fundación Barrié, nun acto que contou coa participación da súa presidenta, Pilar Romero, e coa conferencia inaugural da comisaria da mostra e directora do Musée Lalique, Véronique Brumm. A mostra está organizada pola Fundación Barrié o Musée Lalique co apoio do Museu Calouste Gulbenkian estará na cidade do 26 de marzo ao 12 de xullo de 2026.

Ribadavia (Ourense), 26 de marzo de 2026

O director xeral de Cultura, Anxo M. Lorenzo, e o director xeral de Patrimonio Cultural, Ángel Miramontes, inauguraron hoxe Vou facer un paso de brillantes, a nova exposición do Museo Etnolóxico de Ribadavia resultante de dous proxectos realizados no centro de menores de Montealegre, en Ourense, e na residencia Nosa Señora dos Anxos, no municipio ourensán de Ribadavia.

Ourense, 26 de marzo de 2026

Santiago de Compostela, 26 de marzo de 2026

O conselleiro de Cultura, Lingua e Xuventude, José López Campos, presentou hoxe o decreto e a nova imaxe dos centros museísticos, unha norma que desenvolve a Lei de Museos aprobada en 2021 e coa que a Xunta de Galicia regula a creación, modificación e disolución dos centros dotándoos dun marco xurídico propio que non existía con anterioridade.

Pontevedra, 25 de marzo de 2026

O director da Axencia Galega das Industrias Culturais, Jacobo Sutil, participou esta tarde na Facultade de Comunicación de Pontevedra no acto de clausura da 15ª edición de AuGAL-Masterclass Audiovisual Galego, iniciativa formativa que se veu desenvolvendo desde o pasado mes de novembro co apoio da Xunta para combinar proxeccións e coloquios arredor da creación cinematográfica e televisiva galega máis actual.

Santiago de Compostela, 24 de marzo de 2026