Santiago de Compostela, 25 de novembro de 2025
O director xeral de Cultura, Anxo M. Lorenzo, e a directora xeral de Promoción da Igualdade, María Quintiana, visitaron hoxe o inicio do obradoiro para crear un mural colectivo pola igualdade de xénero na Cidade da Cultura con motivo do 25N, Día Internacional da eliminación da violencia contra as mulleres.
Santiago de Compostela, 25 de novembro de 2025
O director xeral de Cultura, Anxo M. Lorenzo, convidou esta mañá aos galegos e galegas “a adentrarse nun dos eventos espirituais máis extraordinarios e multitudinarios no planeta” no marco da exposición Kumbh Mela. O baño da inmortalidade. Fíxoo na presentación do catálogo da mostra, un proxecto fotográfico do monfortino Manuel Valcárcel que amplía a súa estadía no Museo das Peregrinacións e de Santiago ata marzo de 2026.
A Coruña, 24 de novembro de 2025
A delegada da Xunta, Belén do Campo, asistiu, esta tarde, ao recital ofrecido polo sopranista Samuel Mariño, acompañado ao piano por Jonathan Ware, un dos eventos destacados da Tempada Lírica 2025 da Asociación de Amigos da Ópera da Coruña. O concerto tivo lugar no Teatro Colón.
O Porto (Portugal), 24 de novembro de 2025
Representantes de medio centenar de produtoras audiovisuais de Galicia e de Portugal están a participar na segunda edición do Foro Luso-Galego. Creatividade e Coprodución, que se celebra hoxe no Porto co obxectivo de estreitar lazos profesionais que se traduzan na posta en marcha de novos proxectos en común. A Xunta de Galicia volve colaborar coa Portugal Film Commission na organización deste encontro bilateral no marco do festival Porto/Post/Doc.
O Consello da Xunta deulle hoxe luz verde á convocatoria para 2026 de subvencións da Axencia Galega das Industrias Culturais á creación escénica, nas que se consolida a dotación de 870.000 euros para a produción de novos espectáculos de teatro, danza, circo e maxia por parte de compañías profesionais galegas. A devandita liña de apoio aumentara este ano un 8,7% a súa contía respecto a 2024 para favorecer especialmente os proxectos plurianuais das empresas con máis ampla traxectoria, circunstancia que tamén se mantén nas bases aprobadas hoxe.
Santiago de Compostela, 24 de novembro de 2025 .- O Consello da Xunta deulles hoxe o visto bo ás novas bases das subvencións bienais para proxectos de programación musical nas salas privadas, que reformulan varios aspectos deste apoio público co fin de incentivar a coordinación e implicación de todos os axentes do sector —empresas promotoras, salas e artistas— no impulso profesional da música ao vivo galega e en Galicia, máis alá dos eventos de gran formato.
Santiago de Compostela, 24 de novembro de 2025
O Consello da Xunta autorizou hoxe as dúas primeiras convocatorias do programa de subvencións da Consellería de Cultura, Lingua e Xuventude ao sector audiovisual galego para 2026, que arranca coas destinadas a cofinanciar a organización profesional de festivais e a promover o talento audiovisual.
A liña para certames audiovisuais dótase en 2026 con 310.000 euros, un 3,3% máis que en 2025, continuando así coa tendencia ascendente que esta vía de apoio vén experimentando desde a súa creación en 2014.
O Consello da Xunta autorizou hoxe as dúas primeiras convocatorias do programa de subvencións da Consellería de Cultura, Lingua e Xuventude ao sector audiovisual galego para 2026, que arranca coas destinadas a cofinanciar a organización profesional de festivais e a promover o talento audiovisual.
A liña para certames audiovisuais dótase en 2026 con 310.000 euros, un 3,3% máis que en 2025, continuando así coa tendencia ascendente que esta vía de apoio vén experimentando desde a súa creación en 2014.
Santiago de Compostela, 24 de novembro de 2025
O Diario Oficial de Galicia publica hoxe a declaración como Ben de Interese Cultural do Castro de San Cibrao de Las, situado no termos municipais ourensáns de San Amaro e Punxín, polo seu interese científico e a súa importancia histórica, sendo un dos xacementos arqueolóxicos máis sobranceiros e coñecidos da Comunidade.
