Concerto de Anabel Montesinos

A guitarrista clásica Anabel Montesinos ofrecerá un concerto de guitarra clásica no que seleccionará algunha das mellores obras do repertorio hispanoamericano. Anabel é unha das figuras máis recoñecidas da guitarra clásica a nivel europeo. Gañou algúns dos concursos máis importantes do mundo desde que obtivera o primeiro premio no prestixioso Francisco Tárrega aos 17 anos. Ten actuado nas salas máis importantes do continente e está promocionando o seu terceiro disco, Alma Llanera. A entrada é libre ata completar as localidades.

Galego

A Xunta considera de “xustiza” que o Goberno central transfira a Galicia a titularidade da Illa de San Simón

Santiago de Compostela, 13 de marzo 2024

O director xeral de Cultura, Anxo M. Lorenzo, considerou hoxe de “xustiza” que o Goberno central lle transfira a Galicia a titularidade das illas de San Simón e Santo Antón, “despois de que a Xunta leve máis de 30 anos xestionando, preservando e divulgando” este espazo da provincia de Pontevedra. Así o defendeu en resposta a unha pregunta na comisión 1ª do Parlamento, na que confirmou que a Xunta insistirá nesta petición para que este conxunto sexa “patrimonio de todos os galegos e galegas”.

Galego

A Xunta e a coral da Asociación de Amigos do Camiño promoven un concerto de corais este sábado en Lugo

Lugo, 13 de marzo de 2025

A igrexa lucense de Santiago A Nova acollerá este sábado, 15 de marzo, o XVII Encontro de Corais Camiño de Santiago, promovido pola Xunta e a coral da asociación de Amigos do Camiño da provincia de Lugo.

O delegado territorial do Goberno galego, Javier Arias, e o presidente do colectivo, Ángel Trabada, presentaron hoxe o concerto na Delegación Territorial. A actuación comezará ás 20,30 horas e contará coa participación do coro da asociación lucense xunto coa coral Voces e Cordas de Sobrado do Bispo, da provincia de Ourense.

Galego

A Xunta reafirma o seu compromiso co Museo do Pobo Galego a través dunha achega de máis de 500.000 €

Santiago de Compostela, 13 de marzo de 2025

O conselleiro de Cultura, Lingua e Xuventude, José López Campos, e a presidenta do Padroado do Museo do Pobo Galego, Concha Losada, asinaron hoxe un novo convenio de colaboración co que a Xunta reafirma o seu compromiso con esta entidade a través dunha nova achega de máis de 500.000€. O Goberno galego aumenta así un 11% a súa colaboración, posibilitando que se continúe coa museografía das novas salas de Historia de Galicia, así como levar a cabo tarefas de conservación e acondicionamento.

Galego

A Xunta apoia o Festival Internacional de Música Pórtico do Paraíso nunha edición que inclúe unha ampla aposta pedagóxica

Ourense, 12 de marzo de 2025

A Xunta de Galicia renova o seu apoio á organización do Festival Internacional de Música de Ourense Pórtico do Paraíso, promovido pola Asociación Pórtico Musical e que chega á súa 18ª edición unindo música, patrimonio e pedagoxía. A cita terá lugar do 9 ao 18 de maio cunha carteleira de concertos e actividades formativas en diferentes espazos da provincia.

Galego

Itsaso Arana e Jonás Trueba comparten co público da Filmoteca de Galicia un novo encontro do ciclo ‘Close-up’

A Coruña, 12 de marzo de 2025

A Filmoteca de Galicia continúa afondando no cinema con perspectiva de xénero a través do seu ciclo Close-Up, que pon a disposición do público a posibilidade de coñecer de primeira man os procesos creativos de destacados nomes do actual panorama cinematográfico español. É o caso de Itsaso Arana e Jonás Trueba, actriz principal e director da película Volveréis, escrita por ambos e arredor da que xirou o encontro que protagonizaron na sede da cinemateca da Xunta.

Galego

Páxinas

Subscribirse a Cultura de Galicia RSS