O Centro Dramático Galego coproduce o espectáculo ‘Roland mon amour’ que Cris Balboa estrea en Madrid

Santiago de Compostela, 20 de marzo de 2025

O Centro Dramático Galego coproduce coa creadora Cris Balboa e o Centro Dramático Nacional o espectáculo Roland mon amour, que se estrea mañá no Teatro María Guerrero de Madrid, onde permanecerá en cartel ata o 20 de abril. Desde a sede da compañía pública estatal porá rumbo cara á da unidade teatral da Xunta de Galicia, no Salón Teatro de Santiago de Compostela, para ofrecer unha función o 10 de maio como parte do festival Escenas do Cambio, promovido pola Consellería de Cultura, Lingua e Xuventude.

Galego

A Xunta financia con 10.000 euros melloras na sede da Asociación Veciñal de Miranda, en Castroverde

Castroverde (Lugo), 19 de marzo de 2025

A Asociación Cultural e Veciñal de Miranda, en Castroverde, celebrou hoxe a inauguración do seu reformado local social logo das obras de mellora que acometeron, para as que a Xunta de Galicia achegou 10.000 euros.

Nos actos participou o delegado territorial de Lugo, Javier Arias, que explicou que os traballos financiados polo Goberno galego permitiron incrementar o confort, seguridade e accesibilidade da sede, situada na antiga escola da localidade. 

Galego

A Biblioteca Pública da Xunta en Lugo acolle a exposición itinerante sobre os 150 anos da Banda de Música de Paradela

Lugo, 19 de marzo de 2025

A Biblioteca Pública Provincial da Xunta en Lugo acolle desde hoxe a exposición itinerante sobre o 150 aniversario da Banda de Música de Paradela, impulsada polo colectivo Egeria. No acto de inauguración participou o delegado territorial, Javier Arias, xunto á directora do centro, María Isabel Pérez Fórneas, e o presidente da entidade organizadora, Xulio Xiz, entre outros.

Galego

Belén do Campo participa na Xunta de Goberno do Consorcio para a Promoción da Música

A Coruña, 19 de marzo de 2025

A delegada da Xunta na Coruña, Belén do Campo, xunto ao director xeral de Cultura, Anxo Lorenzo, participaron, esta mañá, na Xunta de Goberno do Consorcio para a Promoción da Música.

Belén do Campo destacou que o Consorcio para a Promoción da Música da Coruña desempeña un papel esencial no fomento da cultura e na difusión musical na cidade. Grazas ao seu compromiso coa excelencia artística, esta entidade impulsa unha programación variada e de alta calidade que achega a música a todos os públicos.

Galego

A Xunta inicia o procedemento para declarar ben de interese cultural o conxunto de covas e adegas de Seadur

Santiago de Compostela, 18 de marzo de 2025

O Diario Oficial de Galicia publica hoxe o expediente de incoación para declarar Ben de Interese Cultural (BIC), na categoría de lugar de valor etnolóxico, o conxunto de covas e adegas de Seadur, o que supón a aplicación provisional do réxime de tutela previsto na Lei do Patrimonio Cultural de Galicia e, polo tanto, a protección inmediata destas construcións localizadas no concello de Larouco, na provincia de Ourense.

Galego

XVIII Festival Internacional de música Pórtico do Paraíso

Cantar Poesía é un proxecto dedicado á interpretación de poemas musicados ao longo do século XVI. En particular, preténdese explorar este tipo de repertorio nas cortes portuguesas e italianas, revelando eventuais puntos de contacto e de diversidade.

Irene Brigitte (Trieste, 1989) obtivo o diploma de máster en Canto Renacentista e Barroco no Conservatório de Vicenza “Arrigo Pedrollo” (Italia) con Gemma Bertagnolli. Na actualidade, é doutoranda en Estudos Artísticos pola Universidade de Coímbra cun traballo de investigación dedicado á música vernacular portuguesa do século XVI.

Galego

Kiki Morente presenta este venres no Círculo das Artes de Lugo o seu disco ‘Azabache’ co apoio da Xunta

Lugo, 17 de marzo de 2025

A Xunta patrocina o concerto que ofrecerá Kiki Morente no  Círculo das Artes de Lugo este venres, 21 de marzo. O delegado territorial, Javier Arias; o presidente da entidade, Miguel Caraduje; e Eduardo Núñez-Torrón, de La Liebre Dinamización Cultural, deron a coñecer hoxe esta nova colaboración.

Galego

Páxinas

Subscribirse a Cultura de Galicia RSS