Vedra (A Coruña), 6 de abril de 2025

A conselleira do Medio Rural, María José Gómez, e o conselleiro de Cultura, Lingua e Xuventude, José López Campos, participaron esta mañá no pregón da XLIII edición da Exaltación do Viño da Ulla, que se está a celebrar esta fin de semana no concello coruñés de Vedra, onde puxeron en valor o labor que realizan as adegas da subzona vitivinícola Ribeira do Ulla, pertencente á Denominación de Orixe (DO) Rías Baixas.

Folgoso do Courel (Lugo), 5 de abril de 2025

O delegado territorial da Xunta, Javier Arias, destacou hoxe en Folgoso do Courel que o Plan autonómico de Intervencións Arqueolóxicas destinou o ano pasado 206.800 euros a impulsar dez actuacións na provincia de Lugo, seis delas na Zona Sur.

Santiago de Compostela, 4 de abril de 2025

O conselleiro de Cultura, Lingua e Xuventude, José López Campos, salientou hoxe a proxección internacional que está a gozar a arte galega e que atribuíu á capacidade “dos nosos artistas de fusionar con éxito tradición e vangarda”. Fíxoo durante a súa asistencia á inauguración na Galería Dupla, en Santiago de Compostela, da exposición Endless game, do escultor coruñés Diego Cabezas.

Lugo, 4 de abril de 2025

A Delegación Territorial da Xunta en Lugo acollerá este domingo, 6 de abril, o festival Primavera de Voces Xoves, organizado polo Coro Xuvenil de Lugo. Actuará esta agrupación xunto cos coros xuvenís Amdor -da Agrupación Musical do Rosal- e Diamond -de Campo Lameiro -.

O delegado territorial, Javier Arias, e o presidente do Coro Xuvenil lucense, Pablo Rico, explicaron hoxe que o concerto comezará ás 19,00 horas no Salón de Actos, con entrada gratuíta.

Santiago de Compostela, 4 de abril de 2025

A Xunta acaba de facer pública a concesión de preto de 50.000 euros en axudas a cinco festivais de música, destinadas especificamente á contratación de bandas ou solistas de Galicia. O Ateneo Barroco de Santiago de Compostela, Beatout Fest da Coruña, Encordass Fiddle Fest na illa de San Simón de Redondela, Murallón de Son en Silleda e The Wild Fest de Vigo son as citas subvencionadas, que abranguen moi diferentes estilos e públicos.

Vigo, 3 de abril de 2025

A delegada territorial da Xunta de Galicia en Vigo, Ana Ortiz, e a directora xeral de Formación Profesional, Eugenia Pérez, asistiron este xoves á gala das Ostras de Pedra que organiza o CIFP Audiovisual de Vigo, en Bouzas, na que se premia a creatividade dos alumnos de segundo curso cunha mostra dos seus mellores documentais. A cita foi tamén unha oportunidade para proxectar os traballos seleccionados e reflexionar sobre o percorrido dos estudantes a través dos ciclos de Produción, Realización, Son e Imaxe.