A Coruña, 11 de abril de 2025

Madrid, 10 de abril de 2025

O director xeral de Cultura, Anxo M. Lorenzo, participou hoxe nos actos conmemorativos do centenario da estrea da obra La cabeza de Bautista de Ramón María del Valle-Inclán, onde fixo un chamamento á cidadanía para redescubrir a figura do autor vilanovés.

Vigo, 10 de abril de 2025

A serie de televisión Marusía. Vientos de honor fílmase estes días no recinto da antiga Escola de Transmisións e Electricidade da Armada, en Vigo, onde o equipo de rodaxe recibiu hoxe a visita do conselleiro de Cultura, Lingua e Xuventude, José López Campos. A Xunta subvenciona con 300.000 euros a rodaxe en Galicia desta nova produción de Mediaset España, ambientada na Escola Naval Militar de Marín e con diferentes localizacións na provincia de Pontevedra.

Santiago de Compostela, 10 de abril de 2025

A Consellería de Cultura, Lingua e Xuventude acaba de resolver a concesión das subvencións da Xunta de Galicia a festivais audiovisuais, mediante as que inviste 300.000 euros na organización de 10 certames estratéxicos para o sector. O obxectivo destas axudas é favorecer a consolidación do circuíto galego de mostras neste ámbito, que destaca especialmente pola gran variedade na súa especialización en xéneros e formatos.

Santiago de Compostela, 10 de abril de 2025

O audiovisual galego vén de acadar un novo fito coa selección na sección oficial do Festival de Cannes de dúas películas con participación galega e subvencionadas pola Xunta. Sirat, do galego Oliver Laxe, e Romería, rodada en Galicia pola catalá Carla Simón, serán ademais as únicas producións españolas que competiran este ano pola Palma de Ouro, a máxima distinción do prestixioso certame francés, que desenvolverá a súa 78ª edición do 13 ao 24 de maio.

Vilagarcía de Arousa (Pontevedra), 10 de abril de 2025

A conselleira de Medio Ambiente e Cambio Climático, Ángeles Vázquez, e o conselleiro de Cultura, Lingua e Xuventude, José López Campos, visitaron hoxe a illa de Cortegada, onde anunciaron a finalización das obras de rehabilitación integral da capela da Virxe dos Milagres tras un investimento do Executivo galego de 600.000 euros.

A Estrada (Pontevedra), 10 de abril de 2025

O conselleiro de Cultura, Lingua e Xuventude, José López Campos, enxalzou hoxe o papel que desenvolve a cultura como “transmisora de valores sociais e antídoto contra as desigualdades”. Así o puxo en valor tras asistir á peza teatral Golpes, unha obra de denuncia dos comportamentos machistas protagonizada por Estíbaliz Veiga e dirixida por Xosé Leis, que se representou no instituto Manuel García Barros da Estrada, á que tamén asistiu o director xeral de Loita contra a violencia de xénero, Roberto Barba.

Mondariz (Pontevedra), 10 de abril de 2025

O director xeral de Cultura, Anxo M. Lorenzo, participou hoxe na presentación da XVII edición do ciclo de música relixiosa Barcia de Mera, onde fixo fincapé na importancia desta iniciativa na que se mesturan a música e o patrimonio nunha cita que pretende achegar a cultura ao rural e a todos os públicos.

A Coruña, 9 de abril de 2025

A delegada da Xunta, Belén do Campo, xunto ao director da Axencia Galega das Industrias Culturais, Jacobo Sutil, asistiron á entrega dos XXIV Premios Opinión da Música de Raíz na que levaron a cabo a entrega dun dos galardóns. A gala reuniu a artistas, colectivos e profesionais do sector para recoñecer o mellor da creación musical baseada nas raíces e na tradición galega.

Pontevedra, 9 de abril de 2025

O conselleiro de Cultura, Lingua e Xuventude, José López Campos, salientou hoxe “o vencello coa historia e cultura de Galicia desde o seu propio nacemento” da Coral Polifónica de Pontevedra, en referencia “aos persoeiros ilustres que formaron parte da súa creación como Losada Diéguez ou o mesmo Castelao, a quen celebramos este ano”.