A Consellería de Cultura, Lingua e Xuventude incrementará este ano un 11% o seu apoio ao Museo do Pobo Galego. Así se dá conta no informe avaliado hoxe polo Consello da Xunta no que figura que o investimento para este ano previsto polo Goberno autonómico nesta entidade cultural superará os 500.000€, o que supón unha suba de 50.000€ en relación ao pasado ano.
Ourense, 17 de febreiro de 2025
O delegado territorial da Xunta en Ourense, Manuel Pardo, reuniuse esta mañá na Delegación Territorial coa directiva da Fundación A Insua dos Poetas. O presidente da entidade, Luis González, transmitiulle o seu agradecemento polo apoio constante brindado pola Xunta aos proxectos culturais que están a promover.
No encontro, Manuel Pardo felicitoulles polo seu esforzo e dedicación a prol do fomento das nosas tradicións e da promoción da cultura galega.
Santiago de Compostela, 16 de febreiro de 2025
A Xunta destina 185.000 euros á mellora dos arquivos de Galicia, garantindo unha custodia responsable e o acceso dos cidadáns aos documentos. O Diario Oficial de Galicia publica esta convocatoria que está dirixida a entidades locais e privadas sen fin de lucro, para a realización de actividades que teñan por obxecto a descrición de series documentais segundo a metodoloxía arquivista.
Santiago de Compostela, 16 de febreiro de 2025
A Xunta de Galicia celebrará o Entroido na Cidade da Cultura de Galicia cun baile de disfraces para público familiar inspirado no imaxinario dunha das sagas literarias máis recoñecidas e queridas por público infantil e xuvenil de todo o mundo, O Marabilloso Mago de Oz, escrita polo autor estadounidense L. Frank Baum.
Santiago de Compostela, 15 de febreiro de 2025
Stephanie Jones é unha solista e músico de cámara de renome mundial que se especializa en interpretación de guitarra clásica. Recibiu a súa licenciatura con honras de primeira clase na Universidade Nacional Australiana baixo a guía de Tim Kain e Minh lle Hoang, así como unha mestría e Konzertexamen na Universidade de Música Franz Liszt de Weimar co profesor Thomas Müller-Pering.
Santiago de Compostela, 14 de febreiro de 2025
O conselleiro de Cultura, Lingua e Xuventude, José López Campos, participou hoxe no Museo do Pobo Galego na presentación do Laboratorio de Cantigas Novas, impulsado polo Concello de Ortigueira, e que puxo en valor pola súa “importante contribución para conservar e protexer este valioso legado que forma parte do patrimonio inmaterial, clave na identidade e cultura galegas”.
Lugo, 13 de febreiro de 2025
O conselleiro de Cultura, Lingua e Xuventude, José López Campos, salientou hoxe o “bo ritmo” das obras de conservación preventiva que se están a realizar no monumento romano de Santa Eulalia de Bóveda, no concello de Lugo, “xa que se leva executado máis do 40 % das actuacións previstas”. Así o anunciou na visita a este Ben de Interese Cultural, acompañado polo delegado territorial da Xunta, Javier Arias.
Santiago de Compostela, 13 de febreiro de 2025
O director da Axencia Galega das Industrias Culturais, Jacobo Sutil, anunciou no Parlamento de Galicia a publicación mañá mesmo das bases das subvencións á produción e coprodución de proxectos audiovisuais galegos cunha dotación de 3.000.000 de euros, cifra que supón un incremento do 20% respecto á consignada o ano pasado polo Goberno galego para esta liña de apoio.
Pontevedra, 13 de xaneiro de 2025
A Rede Galega de Teatros e Auditorios ofrece ata o vindeiro mes de abril un total de 11 funcións de oito espectáculos de teatro, música, maxia e danza na cidade de Pontevedra. O Teatro Principal e o Auditorio do Pazo da Cultura son os espazos onde se desenvolverá a programación do primeiro semestre deste circuíto promovido e cofinanciado pola Xunta de Galicia.
