Santiago de Compostela, 8 de marzo de 2025

A Xunta de Galicia acaba de abrir o prazo para que os diferentes profesionais do sector do libro soliciten axudas para participar en actividades de difusión e comercialización fóra de Galicia que se celebren desde o 1 de xaneiro ata o 15 de decembro deste ano, e para o que a Consellería de Cultura, Lingua e Xuventude destina 30.000 €.

Madrid, 7 de marzo de 2025

O director xeral de Cultura, Anxo M. Lorenzo, visitará hoxe os expositores das galerías de arte de Galicia que se atopan en ARCOmadrid, a principal feira de arte contemporánea do país e na que participan profesionais galegos co apoio da Xunta de Galicia. Trátase dunha das tres citas que se celebra esta fin de semana en Madrid, xunto coas feiras Art Madrd e Uvnt Art Fair.

Santiago de Compostela, 7 de marzo de 2025

O secretario xeral da Lingua, Valentín García, e a directora xeral de Patrimonio Cultural, Mª Carmen Martínez, mantiveron hoxe unha reunión con representantes da delegación do goberno da rexión francesa de Bretaña para buscar novas vías de colaboración entre os distintos departamentos da área de cultura.

Santiago de Compostela, 7 de marzo de 2025

O conselleiro de Cultura, Lingua e Xuventude, José López Campos, inaugurou hoxe na Casa de Galicia da localidade gaditana de El Puerto de Santa María a exposición fotográfica Memoria do mar de Galicia, xestada a partir dun proxecto do Museo do Mar en colaboración coa Federación Galega de Confrarías de Pescadores e que agora se expande fóra da Comunidade.

Santiago de Compostela, 7 de marzo de 2025

A Xunta de Galicia prevé un amplo abano de actividades culturais e educativas que se desenvolverán desde mañá ata o mes de xuño no Parque Arqueolóxico da Arte Rupestre de Campo Lameiro. Trátase dunha programación prevista para as fins de semana e dirixida a todos os públicos que ten por obxectivo achegar o legado prehistórico á poboación a través de experiencias creativas, interactivas e de orientación.

Santiago de Compostela, 7 de marzo de 2025

A Xunta de Galicia acaba de publicar a nova orde de axudas dotada con 250.000 euros dirixida ao sector editorial galego co obxectivo de impulsar a distribución das obras editadas e, deste xeito, facilitar que cheguen ao público lector. Trátase dunha medida que pon de manifesto o compromiso da Consellería de Cultura, Lingua e Xuventude con estes profesionais aos que destina, en total, máis de 3M€ no impulso do sector do libro e a lectura.

Santiago de Compostela, 6 de marzo de 2025

A delegada da Xunta na Coruña, Belén do Campo, e o director de AGADIC, Jacobo Sutil, asistiron á estrea A Burra, a mesa e o Pau , unha produción do Centro Dramático Galego no Salón Teatro. Trátase da primeira das súas producións propias de 2025, para a que contou cun amplo elenco interxeracional de 15 intérpretes baixo a dirección e a dramaturxia de Lorena Conde. Esta nova proposta da unidade teatral da Xunta de Galicia permanecerá en cartel ata o 20 de abril para ofrecer 34 funcións.

Santiago de Compostela, 6 de marzo de 2025

Madrid, 6 de marzo de 2025

O conselleiro de Cultura, Lingua e Xuventude, José López Campos, inaugurou hoxe na Casa de Galicia de Madrid a exposición A Galicia inédita. Unha ollada diferente do fotoxornalismo galego que, tal e como explicou durante o acto,  “despois de pasar por diversos puntos do noso territorio, chega agora a este centro co apoio da Xunta para amosar por unha banda o gran traballo dos nosos profesionais neste eido, e por outra para falar da nosa terra desde unha perspectiva diferente ”.

Ourense, 6 de marzo de 2025

O delegado territorial da Xunta en Ourense, Manuel Pardo, visitou esta mañá, acompañado da alcaldesa de Cenlle, Rebeca Sotelo, a igrexa de Santa Mariña de Esposende para informala do anuncio de adxudicación das obras para a mellora das condicións de humidade, nas  que a Consellería de Cultura, Lingua e Xuventude vai investir 168.000€,  cun prazo máximo de execución de 7 meses.