Santiago de Compostela, 24 de febreiro de 2025
O conselleiro de Cultura, Lingua e Xuventude, José López Campos, reuniuse esta mañá en San Caetano co alcalde do municipio lucense de Ribadeo, Daniel Vega, para tratar asuntos relacionados coa súa área e avanzar en diferentes canles de colaboración vencelladas co seu departamento.
Lugo, 24 de febreiro de 2025
A Xunta de Galicia organiza un “escape room” para escolares de sexto curso de Educación Primaria de Lugo arredor da figura de Castelao, que se desenvolverá na Biblioteca Pública entre o 10 de marzo e o 21 de abril.
A Coruña, 24 de febreiro de 2025
O festival internacional de animación Imaxinaria regresa por terceiro ano consecutivo á Coruña para amosarlle ao público galego unha selección das máis destacadas curtametraxes europeas neste ámbito. O certame, organizado por Afundación en colaboración coa Consellería de Cultura, Lingua e Xuventude, desenvolverase do 12 ao 16 de marzo arredor dunha sección competitiva e varias paralelas, como a que se lle dedica este ano á animadora británica Joanna Quinn.
Santiago de Compostela, 23 de febreiro de 2025
Santiago de Compostela, 22 de febreiro de 2025
O Centro Dramático Galego e o colectivo portugués ASTA-Teatro e Outras Artes coproducen a montaxe Rosalía, cartografía de ásperas ortigas., mediante o que se suman ás actividades de conmemoración do 188º aniversario do nacemento de Rosalía de Castro coa estrea do espectáculo o vindeiros 27 e 28 de febreiro no Cine-Teatro Avenida da localidade lusa de Castelo Branco.
ISABEL REI SAMARTIM guitarrista, investigadora, escritora
Santiago de Compostela, 21 de febreiro de 2025
O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, presentou hoxe o catálogo Lamazares. Inda é día, onde animou á cidadanía a redescubrir o legado deste pintor lalinense a través da publicación que recompila algunhas das obras máis icónicas e destacadas da súa traxectoria ao longo de 50 anos.
Recital e charla sobre poesía e pensamento crítico, astronomía poética.
Un encontro musical sobre astronomía e poesía, cunha panorámica de interaccións, poemas de todo o espazo-tempo e a constelación que a palabra poética e o saber astronómico debuxaron ao longo da historia.
Piano: Isabel Gómez Alonso
Santiago de Compostela, 21 de febreiro de 2025
O director xeral de Cultura, Anxo M. Lorenzo, presentou hoxe a unidade didáctica sobre a exposición Do soño á apocalipse. Os vieiros da literatura fantástica en galego. Trátase dun manual elaborado a raíz da mostra que pode visitarse na Biblioteca de Galicia ata o mes de marzo, e que pretende promover o coñecemento deste xénero literario entre o alumnado.
Narón (A Coruña), 21 de febreiro de 2024
O director da Axencia Galega das Industrias Culturais da Xunta, Jacobo Sutil, participou hoxe na presentación en Narón da 10ª edición de Singular Festival Internacional do Monólogo Teatral, que do 7 ao 30 marzo combinará a exhibición dunha ducia de espectáculos no Pazo da Cultura co desenvolvemento dunha programación profesional de talleres, mesas redondas e unha rolda de negocios para promover a contratación internacional de compañías galegas.
