Rede galega de teatros e auditorios

"Palma repalma" é como comeza a canción, son tamén as palabras máxicas e o inicio da nosa historia. Un espectáculo enmarcado nun souto encantado onde viven animais e algúns seres máxicos, coma os nosos protagonistas.

 Martins Aneiros Band xorde da unión da cantante Paula Martins, quen fose voz da Big Botton Band, e de Víctor Aneiros, guitarrista galego que suma xa oito discos ás súas costas.

O pasado verán a cantante apareceu como convidada do grupo do ferrolán nas súas actuacións no Fisterra Blues Experience e o Discalzos polo Festival, aínda que o inicio desta alianza musical remóntase a fai máis dunha década.

Caamaño&Ameixeiras é un dúo ligado á música e ao baile de raíz. Formado por Sabela Caamaño (acordeón cromático) e Antía Ameixeiras (violín e voz) en 2018, este dúo acumula, na súa curta pero intensa traxectoria, un gran número de concertos, tanto dentro da xeografía galega, o seu lugar de orixe, como fóra dela e no ámbito internacional.

O novo traballo de Tanxugueiras, a banda revelación do folk galego nos últimos anos, sae a luz o 21 de novembro de 2019. Nel, un cambio de imaxe, de formato e de espectáculo para deleitar aos espectadores.

A música tradicional vista desde os ollos dunhas rapazas que beben doutras influencias. 

Logo do éxito do seu primeiro traballo e de máis de 100 concertos en 16 meses de presentación, Contrapunto ve a luz producido por elas mesmas. Un disco no que as voces son as protagonistas, así como unha coidada escenografía e xogo de luces.

Elenco: Marta Larralde, Susana Dans, Teté Delgado, Isabel Naveira, Ledicia Sola e Ana Sandos.

Sinopse: No centenario do pasamento da novelista Emilia Pardo Bazán, Contraproducións presenta unha relectura dunha das obras máis interesantes da autora: A Tribuna. A muller, o amor e os prexuizos de clase son os temas entorno ao que xirarán esta relectura, facendo fincapé no ambiente e primeiras loitas femininas das traballadoras da Fábrica de Tabacos da Coruña. E todo isto con un transfondo político onde se asiste ao ocaso dos Borbóns e á atribiulada proclamación da I República

Manipulación: Jorge Rey

Versión moderna da popular ficción, onde se mestura teatro e monicreques de madeira e gran tamaño, con música en directo e rítmicas cancións.

Extraordinarias aventuras vistas dende outro lado do bosque, onde o anciano rei, que todo o perdera quere recuperar a ilusión da súa vida, Brancaneves.

Aibō é a ópera prima da Compañía Eléctrica, unha peza teatral para público infantil e familiar con Iria Pinheiro e Areta Bolado (A Panadaría) en escena. 

Aibō significa compañeir@ en xaponés, esta é a palabra que mellor se axusta para definir unha fábula inspirada na Carapuchiña Vermella.

Trátase dunha visión diferente do conto popular, que pretende dar unha ollada positiva sobre a nosa relación coa natureza e tamén sobre o trato que temos con outros seres diferentes a nós. Unha celebración da diversidade.

Elenco: Iria Pinheiro e Areta Bolado

SINOPSIS: Teatro de contos no que un persoaxe sacado da obra de Xullo Verne, dará a volta a un día estando en 80 mundos. Daremos un paseo polos distintos continentes e conoñeremos datos curiosos sobre eses luares por suposto todo a través dos contos.

Traballaremos valores moi importantes do día a día aprendendo mensaxes tan útiles como la importancia de compartir, ou o valor dun sorriso. Teatro e contos.

ELENCO: Erica González e Pablo Balseiro

Mina era unha nena alegre, segura de si mesma, feliz; pero cuns gustos un tanto estrafalarios e... gorda, e iso á sociedade non lle gustaba. Mina querıá vivir nun mundo de xente diferente, pero os demáis empeñábanse en convertilo nun mundo que se ría de quen era diferente. Mina embarcarase nunha viaxe interestelar onde terá que tomar a decisión máis importante da súa vida.

Elenco: Artur Trillo e Toño Casais

Un mozo dunha aldea galega emigrou a Castela e aos poucos meses regresou á súa terra. E nese breve tempo ocorrera algo asombroso: o rapaz esquecera a fala dos seus, a lingua que falara toda a vida. De volta na casa non facía senón preguntar:

-Mi padre: como se llama esto?

O pai, molesto ante ese fillo desleigado e farto de tanta pregunta parva, cando o mozo preguntou de novo ao atopar no chan da eira tan "exótica" ferramenta, "Mi padre:¿ y esto como se llama?", respondeulle:

-Ponlle enriba o pé xa verás como cho di el mesmo.