Rejhuz e Clakghs Setén son a filla e o fillo de Satán. O seu pai, farto de aguantar a estes dous completos inútiles malcriados e aspirando a ser emérito por fin, decide botalos do inferno para que aprendan a gañarse o mal por si mesmos.
Facendo unha simbiose co Camiño de Santiago, Sheila Patricia fai un percorrido por diferentes espazos máxicos galegos, así coma diferentes épocas da nosa terra, as profesións máis característica e ou papel dá muller na sociedade galega, especialmente rural.
Sheila Patricia, a voz da nova canción de autora en Galicia, integra os ritmos e sons máis actuais, coa música do acerbo cultural galego.
Mariña é unha regueifeira e queda sen palabras...Nikolai sempre quixo ser músico pero tocoulle ser aviador...Xuntos farán unha viaxe polo mundo na procura de novas palabras para as súas regueifas porque o mundo ten moito que contar!!
Traballamos sobre a importancia das palabras e o idioma (Regueifa!!), a multiculturalidade, cuestións de xénero e o coidado do mundo, coa intención de xenerar curiosidade para que @s nen@s e as familias podan seguir investigando.
Elenco: María Angeles Iglesias (actriz), Tato López (músico) e Carlos Freire (músico)
Elenco: Rocío Salgado e Martín Maez
A pastelaría de dona Remedios ten cada vez menos clientes porque a súa dependenta, Ana, só sabe facer boliños de crema. Para facer fronte a este problema, Dona Remedios decide contratar un novo axudante capaz de aportar novas ideas e facer os doces que a xente está a demandar nestes días. O problema é que, ás veces, esas novas ideas da cociña moderna poden entrar en conflicto co bo facer máis clásico de Ana.
O novo traballo de Tanxugueiras, a banda revelación do folk galego nos últimos anos, sae a luz o 21 de novembro de 2019. Nel, un cambio de imaxe, de formato e de espectáculo para deleitar aos espectadores.
A música tradicional vista desde os ollos dunhas rapazas que beben doutras influencias.
Logo do éxito do seu primeiro traballo e de máis de 100 concertos en 16 meses de presentación, Contrapunto ve a luz producido por elas mesmas. Un disco no que as voces son as protagonistas, así como unha coidada escenografía e xogo de luces.
SÓS é unha reflexión, por veces cómica e por veces máis dramática, sobre a vellez, sobre a convivencia, e sobre a soidade que sofren moitas persoas maiores nos seus últimos anos de vida.
SÓS conta a historia de Fermín e Marcelino, dous homes octoxenarios que se ven obrigados polas circunstancias a compartir piso.
Despois de máis de 20 anos realizando actuacións por diferentes escenarios e prazas, chegou o momento de agradecer a enorme felicidade que sentimos cada vez que actuamos. A nosa mellor tarxeta de presentación son os centos de clientes satisfeitos, as miles de actuacións realizadas, o boca a boca e a profesionalidade que caracteriza á nosa compañía. Paixón, dedicación, proximidade e por suposto, un traballo por tentar ser sempre un pouco mellor son os alicerces nos que nos baseamos desde que comezou a nosa aventura no marabilloso mundo do espectáculo.
Berlín 1933. Esta é a historia de tres amigos. Martin e Elsa, -unha parella de recentemente casados vinculados ao mundo do cinema alemán da época-, e Leo, un actor de teatro de ascendencia xudía. Os tres comparten a vida alegre dos anos 30. O cinema dos estudos UFA, o teatro e os cabarets berlineses? pero todo iso verase truncado pola ascensión do nazismo ao poder.
Culturactiva SCG presenta Sénior, un espectáculo cómico sobre a crise dos 50.
Cos coñecidos e populares actores Luís Iglesia e Marcos Orsi como protagonistas, e dirixida por Avelino González, trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente aviad@s para os retos e problemas que se nos botan enriba ao cumprir o medio século? E, sobre todo, estamos preparad@s para ser vell@s?
Paloma é un deses seres que cando camiñan parecen non tocar o chan. Coma se levase
unhas ás invisibles adheridas ás suas costas que, ademais de alixerar o seu peso, a dotasen
dun halo digamos que “diferente”.
É a través da empatía, a coraxe, a perseveranza e sobre todo do seu particular sentido do
humor como Paloma logra reconciliarse co seu pasado, desfrutar do presente e propoñerse
un futuro esperanzador.
Ela, coma ninguén, é capaz de amosar que nunca é tarde para un novo comezo.
