Es mi palabra contra la mía é o novo espectáculo de humor de Luís Piedrahita. Nesta ocasión pregúntase por que ninguén está contento co que lle tocou. Luís olisquea a realidade cotiá con afán de porco trufero e saca a relucir os aspectos máis divertidos e absurdos do noso día a día. Tocará temas como as cellas das señoras maiores, as mudanzas nos rañaceos ou o medo ao váter alleo.
No centenario da morte da escritora Emilio Pardo Bazán, Secuencia 3 presenta a adaptación teatral da súa novela "Os Pazos de Ulloa" asinada polo dramaturgo Eduardo Galán, baixo a dirección da unha das mellores directoras do noso país: Helena Pimenta e cunha repartición de luxo con Pere Ponce, Marcial Álvarez e Olivia Molina como cabezas de cartel.
A base fundamental para a elaboración da posta en escena deste espectáculo son os textos de Rosalía de Castro -lieders, poemas, artigos, prólogos-, engarzados con outros materiais que contextualizan e conforman unha vía pola que transitar o pensamento da nosa autora e o seu compromiso irrenunciable diante dos acontecementos e conflitos protagonistas na sociedade do seu tempo, e que son sorprendente reflexo dos que hoxe nos acucian.
O corpo e a terra estreitan os seus lazos nun espectáculo de danza e música que nos transporta á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os surcos arados na terra. Pero Leira é tamén a sinxela alegría do traballo feito coas mans, coa valentía do corpo a corpo.
Pedras de Cartón presenta "LÁZARO de Tormes", un espectáculo baseado no coñecido clásico da literatura, por primeira vez contado case sen palabras. Un espectáculo para toda a familia narrado en clave de comedia a través dun coidado traballo de máscaras dirixido por Pablo Sánchez e unha banda sonora orixinal creada por Davide González.
A Maxia do Mago Rafa afástase da maxia máis convencional. En todos os seus espectáculos hai varios denominadores en común: humor, tenrura, unha excelente técnica interpretativa, unha fantástica selección musical, unha escenografía moderna e espectacular e maxia moi orixinal e impactante que comunica a través do absurdo e do cotián.
Moitos definen os seus espectáculos como "A Maxia diferente, a próxima e a de verdade".
Este espectáculo realízase en formato Gala e Rafa conta coa colaboracion de magos de recoñecido prestixio Internacional.
Espectáculo "La Maga" de la ilusionista venezolana Dania Díaz.
Camerata Lírica presenta A Bohème, unha obra mestra do xenio de Lucca, Giacomo Puccini, con libreto de L. Illica e G. Giacosa e parte da triloxía destes tres grandes mestres xunto con " Madama Butterfly"e "Tosca".
Unha ópera en catro actos inspirada na novela do literato Henri Muguer, " Scènes da vie de Bohème"; estreada no Teatro Rexio de Milán o 1 de febreiro de 1896, baixo a batuta de Arturo Toscanini.
Joejufy, The Hunter é unha proposta escénica sobre a situación actual. Vivimos nunha sociedade que ten presa por chegar a ningures e consume cegamente sen pensar nas consecuencias.
Quixemos abordar este tema que afecta a todes por igual en maior ou menor medida, sempre desde a nosa perspectiva e vivencias propias. Un reflexo de nós mesmos como sociedade de consumo, do impacto da fast fashion e dos canons estéticos. O efémero escaparate onde vivimos, xa sexa camiñando pola rúa, nunha estrea ou nas moi importantes redes sociais.
Espectáculo premio nacional de teatro.
Insumisión fala da violencia que se xenera no ámbito familiar, e que o fai dende o epicentro do conflicto: a intimidade da parella.
O texto conta a historia partindo de dúas premisas. A primeira é que a violencia non aparece explícitamente no texto. Trátase dunha violencia suxerida, subxacente... A tensión dramática crece ao redor desa violencia contida, pero que non estala sobre o escenario.
