Rede galega de teatros e auditorios

Máxico Deluxe de Cayetano Lledó é un espectáculo de maxia adicado a público familiar. Con todo tipo de proezas incribles en clave de comedia, este espectáculo vaite sorprender. Cayetano Lledó ten participado en Festivais e congresos dentro e fora de Europa. Ten actuado coa súa máxia en teatros de todo o mundo (Canadá, Taiwán, China, Suiza, Francia, Inglaterra, Finlandia, Italia, Japón, etc) Neste espectáculo recolle unha escolma de técnicas inovadoras misturadas cos xogos de sempre para disfrutar en familia.

No escenario un actor, unha actriz e un músico. De idades parecidas, constrúen dous personaxes dos que entran e saen permanentemente: unha parella que se acaba de separar despois dunha longa convivencia na que ambos soñaron acabar as súas vidas xunto ao outro. Teñen unha filla, que fai que esa separación non sexa tal, e que a famosa frase do rito católico adquira todo o seu vigor: “ata que a morte sepárenos”.

Voltamos ás orixes para reconstruír unha memoria común.

Costumes sen sentido aparente, pero que dan lóxica á nosa forma de ser.

Seis corpos en xogo, seis mundos.

Á deriva cara a unha realidade conxunta e compartida.

Onde nos coidamos, nos empurramos, nos deslizamos, nos portamos.

Os portes acrobáticas e o canto como oportunidade para deformalo todo e convidarvos a coñecer moi de preto as nosas peculiaridades.

“Paio e o poder da música” é o novísimo traballo de Oviravai.

Despois do seu primer Libro Cd “As andanzas de Paio” ( Galaxia, 2016) o Teixugo máis querido polas nenas e nenos de Galicia trae novas e emocionantes aventuras.

Na fronteira, liña invisible entre a Galiza interior e o norte de Portugal; de brétema, chuvia, neve onde se funden a realidade e a ficción; a vida e a morte. Entre o misterio e os impulsos da terra. Entre o ser humano e as forzas da natureza. Entre o poético e o mítico, alén da xeografía. No límite da fantasía.

A idea de fronteira, da liña divisoria, punto de escisión e de unión, lugar de encontro e separación. Espazos vitais nos que os límites non só físicos, están na condición humana, no que de verdade nos converte en arraianos.

Helena é unha doutora de prestixio internacional que regresa á vila natal para comeza runha nova etapa xunto ao seu compañeiro. Embarazada de cinco meses, afronta o seu novo estado coa ilusión por un novo proxecto profesional co balneario que ela mesma deseñou e que se presenta como un alternativa turística sostible e saudable.
A inesperada contaminación das augas da zona e a súa loita por preservar a saúde da poboación fronteaos intereses económicos van colocala no punto de mira da veciñanza que ve como sepon en risco a prosperidade para toda a comunidade.

“Esas cousas marabillosas” comeza cando o público vai entrando na sala e é recibido polo actor. Dálles a benvida, axúdaos a se acomodar, e dálles un papeliño que vai xogar no espectáculo. Cando empeza o espectáculo, o público xa leva un cacho dentro del sen sabelo e algúns cunha "cousa marabillosa" na man.

É unha peza participativa, tenra, emocionante e divertida. É unha comedia que fala sobre a saude mental, a depresión e o suicidio. É unha obra que pode cambiarche a vida…e para bén.

Cóntase unha historia de case tres décadas que comeza cando… mamá está no hospital:

A gripe do canario é unha distopía futurista que segue os pasos de Leopoldo, un matemático que busca traballo como profesor especialista. A imposibilidade do ser nunha sociedade despiadadamente kafkiana vai afastándolle dos seus ideais e reducindo as súas expectativas vitais. Dentro da óptica deformada de Leopoldo van aparecendo diversos personaxes, 198 minutos, o catedrático Garibaldi, Douglas e moitos máis, todos cotexando á súa maneira os acontecementos deste inquietante futuro que se nos presenta.

BAILAR AGORA é unha sorte de imperativo cara a un posicionamiento no presente, social e persoal, a través da danza. Un impulso por situarnos no tempo actual das cousas, con plena consciencia sobre o que estamos a facer e cómo estamos a vivir o aquí  e o agora. A proposta sobre como facelo é clara: Bailando.  

Chola, cansa de ver como a xente ofrece unha imaxe marabillosa e perfecta de si mesma nas redes sociais, decide mostrar a súa vida imperfecta, auténtica e rural, como? Pois cun show de empoderamento feminino, onde lle acompaña en todo momento o seu rectificado sidecar e o seu peculiar agroglamour.

Con exemplos prácticos e didácticos, mostrará os seus 10 tips para poder converterse nunha it girl Glocal,(mulleres que pensan localmente para actuar global) facéndonos reflexionar sobre quen somos, que nos gusta, que nos divirte... e sobre todo, saber recoñecer de onde vimos.