Lowland retórnanos á animalidade do corpo e do movemento, ao aprendizaxe, o esforzo, a tenacidade e a resistencia, a beleza, o espírito de superación e o espírito de liberdade.
Sinopse: Lowland é a paisaxe de cada un e a viaxe. Só se pode voar co corpo e farannos falta enxeño e imaxinación para conseguir unhas ás. Un imaxinario do mundo das aves e dos homes, cheo de luz e vitalidade en Lowland, a terra baixa.
Roi Casal ofrece un concerto con toda a súa banda na que interpreta temas do seu último traballo discográfico Donos do noso destino nun concerto familiar e para todos os públicos.
Estes concertos inclúen outros de carácter didácticos nos centros escolares da zona xunto coa cantante Silvia Ferre, neles fan un percorrido musicado pola historia dos instrumentos como a arpa, o bouzuki e a zanfona. Estas actuacións son de balde.
Autores: Alex Sampayo e Borja F. Caamaño
Elenco:
Guillermo Carbajo - Peludiño, o hámster
Sheyla Fariña - Munda, a rata
Carlos Álvarez-Ossoiro - Gato
Sinopse: Peludiño é un hámster que escapou da súa gaiola para vivir aventuras na cidade. Munda é unha rata soñadora que pasa as noites rebuscando no lixo para levar comida aos seus irmáns. Estes dous roedores terán que deixar atrás os seus prexuizos e traballar en equipo para vencer o temido Gato. Xuntos aprenderán que son máis parecidos do que eles pensaban e que as diferenzas os fan especiais.
Tango Maestro é un percorrido pola obra dos grandes mestres do tango, con especial protagonismo á obra do gran Astor Piazzolla
A música de Piazzolla é unha das maiores expresións artísticas que Arxentina deu ao mundo. Incorporando ao tango un pouco de jazz, Piazzolla alcanzou un resultado formidable e á vez innovador, sofisticando ese rítmo porteño e revolucinando os seus conceptos.
Quinteto Nuestro Tiempo acércanos á obra dos grandes mestres da música rioplatense: Anibal Troilo, Horacio Salgán, Agustín Bardi, Astor Piazzolla.
Autor e director: Quico Cadaval
Elenco: Evaristo Calvo e Víctor Mosqueira
Tras o grande éxito de Shakespeare para Ignorantes no Festival Internacional de Teatro Clásico de Almagro en 2013, a directora do festival propuxo facer unha coprodución para estrear o novo de M&B na edición deste ano. Así naceu Bobas & Galegas, espectáculo trunfador durante as catro representación no festival deste ano e producción encargada de abrir o prestixioso escenario do Corral de Comedias de Almagro.
Diego Freire é o encargado de guiar aos cativos polas extraordinarias aventuras que se suceden nun souto do prodixio, un espectáculo que leva os cativos a un mundo de fantasía onde todo é posible. Atoparanse con ourizos que falan, raposos que cantan ópera lixeira e mesmo coellos que son capaces de bailar unha muiñeira. O souto dos prodixios é un lugar perfecto unha vez que os pequenos se deixen capturar pola maxia do espectáculo.
Recomendado para cativos a partir de tres anos, é un espectáculo perfecto para gozar en familia vendo como a imaxinación dos máis pequenos bota a voar.
Desperta! é un espectáculo de novo circo que afonda na identidade individual, no que nos iguala e no que nos diferencia.
As habilidades circenses, a música en directo e a comicidade van da man en Desperta!, onde a técnica se pon ó servizo das emocións, e onde a poética das imaxes fan viaxar aos espectadores por un mundo imaxinario e moi real. Trátase dun espectáculo de humor onde rir á esgalla pero que, ao tempo, lles faga pensar ao público sobre a cotidianeidade dos momentos polos que transitamos na historia.
Catro gánsters aterrorizan a cidade. Un policía farto da corrupción do sistema e de todas as tropelías, recluta a un selecto grupo de disparatados polis para pararlles os pés. O ben contra o mal, ¿ou todo o contrario?
Con esta premisa arranca o novo espectáculo de Yllana, unha homenaxe ao “cine negro”, cheo de delirantes situacións de humor negro, inventiva teatral e ol código xestual marca da compañía.
Unha divertidísima viaxe aos baixos fondos e aos máis baixos instintos, non exento de crítica e reflexión sobre o ben e o mal.
Peza teatral de Volta e Dalle Teatro, protagonizada por Pepe Penabade, Carlos Santiago e Concha Campoy
Waltz é un conto que fala de amor e desamor, de namoramentos e rupturas, da vida compartida e da lembranza de amores perdidos. En Waltz a vida é un salón de baile onde imos cambiando de parella; hainas que che pisan os pés, outras agárrante forte pola cintura, a algunhas súanlle as mans e con outras bailarías por toda a eternidade….
