Proxección audiovisual

O 16 de novembro celébrase o Día Internacional do Patrimonio Mundial, para protexer e preservar todos os sitios naturais e culturais do mundo.

Con este motivo o Museo etnolóxico de Ribadavia amósanos unha peza conservada no museo pertencente á nosa cultura tradicional. Trátase dunha mazadeira do leite, que se empregaba antigamente nos fogares para elaborar a manteiga. Para falarnos deste curioso obxecto o persoal do museo elaborou un vídeo que podedes ver aquí:

Estrea do documental de Xavier Villaverde que nos achega a María Casares, unha muller cuxa vida queda marcada pola guerra civil e o exilio a Francia. Viviremos xunto a ela os feitos históricos máis relevantes do século XX en Europa, unha vida na que se cruzan figuras culturais de primeiro orden. Comprometida e incansable no seu traballo, busca permanentemente propostas escénicas audaces e arriscadas que a acabarán convertendo unha das actrices máis aclamadas do cinema e o teatro francés.

Tras a súbita morte do seu pai, Haas coñece a Will. Comeza así a historia de dous mozos descoñecidos e solitarios que se atopan a través da vasta paisaxe de EEUU.

Bill ‘Bojangles’ Robinson é un talentoso bailarín que volve á casa en 1918 logo de loitar na Primeira Guerra Mundial. No seu regreso, trata de se relacionar cunha fermosa cantante moi popular chamada Selina Rogers.

Tempo de tormenta retrata unha interesante panorámica dos grandes artistas afroamericanos de comezos do século XX, cando raramente aparecían nas principais producións de Hollywood, especialmente neste xénero.

Ewald mudouse no seu día a Romanía. Anos despois, e xa nos 40, intenta comezar de novo. Deixa a súa moza e marcha cara ao interior. Coa axuda de varios rapaces da zona, transforma unha vella escola en ruínas nunha fortaleza. Os nenos gozan dunha existencia nova e sen preocupacións. Mais a chama da desconfianza non tardará en prender entre os habitantes da localidade. E a Ewald non lle quedará outra opción que afrontar unha realidade que mantivo oculta moito tempo.

Lea, de dezasete anos, pasa as súas vacacións de verán sen máis plan ca o de se broncear coa súa mellor amiga no xardín traseiro da súa casa, mentres intenta non involucrarse nos problemas da súa angustiada nai e consumir drogas cun grupo de mozos da súa escola. Esta monotonía vese interrompida por un encontro casual con Tom, un home maior que promete unha alternativa á insatisfactoria vida adolescente de Lea. A moza cae rendida ante o encanto carismático de Tom, que exerce sobre ela un control crecente que a vai illando do seu círculo habitual.

Adam, fillo dun humilde mariñeiro, ingresa na prestixiosa universidade da Al-Azhar do Cairo, epicentro do poder do islam sunnita. O día no que comezan as clases, o Grande Imán que dirixe a institución morre de súpeto. Sen se decatar, Adam atópase no medio dunha loita de poder implacable entre as elites relixiosas e políticas do país.

Durante a ocupación inglesa da India, a cidadanía dunha pequena aldea resístese a pagar o imposto que os oficiais británicos veñen de dobrar. Ante as protestas, deciden resolver o conflito xogando un partido de crícket: se gaña o campesiñado, será exonerado das taxas.

Unha profesora descobre nun neno de cinco anos de idade un prodixioso don para a poesía. Abraiada e inspirada polo pequeno, decide protexer o seu talento, a pesar de todo o mundo.

A Asociación de veciños Oza Gaiteira Vos Castros programa dentro do proxecto Mujeres na Rúa e polo 25 N O Día Internacional da Eliminación da Violencia contra a Muller  o documental Entre catro paredes (Mulleres Maltratadas)