Biopic sobre António Variações, polifacético cantante e icona gai de finais dos 70´. A película trata sobre o seu proceso de transformación en António Variações, un artista excéntrico e popular cuxa carreira se viu repentinamente interrompida pola súa morte en 1984. Anxo da garda é unha homenaxe a todos os que aínda hoxe perseguen os seus soños e atopan formas de transformar as súas vidas.
O ménage à trois inventárono os franceses...
Un documental pioneiro sobre a vida das persoas trans na Illa de Tenerife, que conta en primeira persoa o longo proceso que sufriron os seus protagonistas para ser aceptadas en tempos de ditadura e represión. Co testemuño, entre outras, de Carla Antonelli.
Leo, Juan, David e Lucio coinciden no vestiario do ximnasio. Son catro persoas con catro visións distintas sobre temas como a masculinidade. Pronto xorden debates que parecían superados e a tensión vai en aumento.
Ás manifestacións hai que levar pancarta.
Un relato a sete voces, sete mulleres LTBIQ que visibilizan a súa diversidade afectivo-sexual e de xénero. Un relato a través das súas vivencias, dacabalo entre o drama e o humor, a tenrura e a realidade, non sempre fácil no seu día a día. Un relato que transita do binario, o branco e negro, á cor, á pluralidade de opcións e eleccións, de formas de ser e estar no mundo, a través da relación co propio corpo e o xénero, e das emocións, desexos e afectos.
Un mozo recibe unha chamada da súa nai. Quere coñecer á súa parella. Como explicarlle á túa avoa ou a túa nai que a túa parella non é unha parella, senón un trío?
No atardecer da existencia, unha rosa florece ao recibir os mimos dos últimos raios do sol. Un curto sobre amor e sexualidade na vellez, e o desafío ás convencións sociais.
Todos imos nun tren e todos os vagóns son iguais por fóra, por dentro non.
Jorge, un pai tradicional boliviano, recibe noticias do suicidio do seu fillo Gabriel. Semanas despois da traxedia atopa o computador portátil do seu fillo onde descobre que tiña unha relación amorosa con Sebastián, outro novo compatriota que vive na cidade de NY, onde o seu fillo estudaba. Despois dunha primeira confrontación violenta por Skype, Jorge decide ir a NY a buscar respostas sobre a morte do seu fillo, pero o que atopa cambiaralle a vida para sempre.
