Esta excitante road movie existencialista de Monte Hellman, cun marabilloso guión de Rudolph Wurlitzer e Will Corry e a miña interpretación favorita de Warren Oates, loce mesmo mellor agora do que en 1971, e xa era ben interesante daquela.
Willett Gashade, un ex cazador de recompensas, regresa á súa mina e atopa ao seu irmán desaparecido e a un compañeiro morto. Unha muller misteriosa contrátao para escoltala polo deserto, acompañado polo seu amigo inxenuo Coley e un pistoleiro sinistro, Billy Spear. Durante a viaxe, Willett sospeita que a muller busca vinganza por algo relacionado co seu irmán, culminando nun enfrontamento críptico e existencial.
Sesión dedicada ao cineasta galego Eloy Lozano, que inclúe Retorno a Tagen Ata, adaptación de Ferrín e primeira curta de ficción en ser rodada en 35mm en Galicia (proxectada neste formato); dous documentais sobre natureza e a recuperación de O carro e o home, de Antonio Román, acometida por Lozano en 1980, tendo devolto á fita a voz en off orixinal de 1940.
Alxer, 1935. Meursault é un home discreto e apático, cunha vida plana e intranscendente. Ante a morte da súa nai permanece indiferente, sen mostrar ningunha emoción nin derramar unha soa bágoa. Pouco despois empeza unha relación sentimental con Marie, unha muller que en realidade non significa nada para el. E cando accede a axudar un veciño nun asunto relacionado cunha moza árabe, Meursault acaba matando, sen saber por que e a sangue frío, o irmán da rapariga. Meursault é arrestado e acusado de asasinato.
Un director de cine, Guido Anselmi (Marcello Mastroianni), atravesa unha profunda crise creativa. Mentres procura as desexadas fontes de inspiración, vaise sumir progresivamente nos seus recordos, soños, pantasmas e alucinacións. No balneario no que prepara o filme, muller, amantes, actrices, produtor, crítica, todos tratan de influir en Guido. El decide realizar a película en base a estas vivencias, unha xuntanza de presente, pasado e fantasías.
Unha banda de ladróns, procedentes das capas máis humildes da sociedade italiana, preparan un gran atraco ás oficinas romanas dunha casa de empeños, aconsellados por un criminal xa retirado. A súa gran esperanza, a pesar da ineptitude que os caracteriza, é que o éxito do roubo os axude a escapar da miseria na que viven. Pero os plans non saen como estaba previsto.
A Via Tuscolana conecta o centro de Roma cos estudios cinematográficos Cinecittà. Cada día percórrena en tranvía unha multitude de persoas que traballan no mundo do cinema... ou ás que lles gustaría traballar nel. Son os casos de tres mozas de orixe modesta que aspiran a triunfar: Luisa, cun talento que lle permite soñar con chegar a ser unha actriz de éxito; Franca, que pretende seducir un produtor que lle abra camiño; e Giuditta, tan inxenua que se considera a nova Anna Magnani.
Documental que explora a vida e a carreira da icónica estrela italiana, Marcello Mastroianni. Unha mirada íntima á súa contribución á historia do cinema e ao seu impacto na cultura popular a través de entrevistas ao propio Mastroianni, material de arquivo e declaracións de familiares, como as súas fillas Chiara e Barbara, e grandes personalidades vinculadas á industria cinematográfica.
Esta é unha historia sobre os límites do amor, amores que acaban e comezan, vividos por seres que arriscan e transitan entre a separación e o encontro porque, mais cedo que tarde, deben confrontarse co que lles falta: a metade da vida.
A medicina sempre ten que partir de quen padece a dor da enfermidade: o ser humano e, por iso, a cura só pode ser atinxida a través do encontro con outro ser humano: o médico certo.
