Café Quijano, un dos grupos máis consolidados da escena pop-rock española e latina, que triunfaron en todo o mundo con grandes éxitos como "La Lola", volven presentar o seu terceiro traballo adicado o Bolero, "Orígenes: El Bolero Vol.3". Un caso único dun mesmo grupo triunfando en dous estilos totalmente diferentes xa que durante un ano e medio levaron a cabo dúas xiras coas que levan máis de 100 shows.
Internal Suffering formouse en 1996, desde entón, a banda colombiana estivo por todo o mundo. Recoñecida polo seu intenso e brutal estilo de Death Metal, rápido e técnico, que deron ata a data como froito 4 álbums de longa duración.
Na xira Eradicating Europe 2015 actuarán coas bandas Incinerate de E.U.A. e Neuroma do Reino Unido.
La Habitación Roja celebra 20 anos á cabeza da vangarda do indie rock. E faino cunha xira por todo o país e novo disco, o recopilatorio 20 años de canciones 1995/2015. É a primeira antoloxía do grupo onde repasan a través de 19 cortes os seus mellores temas e inclúen un inédito, Taxi a venus.
O 17 de Decembro do ano 2005 o grupo RENEGADOS fai a súa presentación na Sala "La Bamba" de Ourense, sendo Teloneiros de Edu Manazas. A partir de entón refórzase cunha sección de metais compoñendo temas propios sen deixar de lado versións de grupos nacionais e internacionais con estilos variados: Rock, Funky, Rithm&Blues, etc.
The Dixie Boys son unha banda de Porto formada no ano 1994 e influenciada por iconos do rock dos anos 50 como Johnny Burnette, Ronnie Self e Buddy Holy. No ano 1995 gravaron os temas orixinais para o CD: Portugal Rockers e no ano 1999 decidiron facer unha pausa. Volveron á actividade no ano 2005 e, dende entón, son habituais nos festivais de rock de dentro e de fóra de Portugal.
A banda polaca de blues rock ofrece este concerto en Galicia na súa xira por España.
A banda nada no 2011 está formada por Lukasz Lyczec Lyczkowski (voz), Smok Somckiewicz (guitarra), Czarek Majewski (batería) e Yan Lee (baixo).
Son considerados no seu país como unha das mellores bandas de Rock Clásico e voltan a xirar por España no 2016.
Jennifer Castle é un enigma oculto á vista. Na superficie, ela é unha cantante e compositora canadiense, a menudo actúa con tan só unha guitarra e un taburete, cantando cancións que evocan outros tempos de country, folk e blues de tradicións e que líricamente están inmersos nunha paisaxe agraria rica en detalles e nas dificultades de ser unha nai traballadora.
Os irmáns Freiría, Xusto, batería e José guitarra, con Rubén Seoane ao baixo e David F.M aos teclados.
A súa música mestura algo de pop-rock con indie, dando lugar a algo que eles mesmos definen como "moi raro", pero que teñen como grupos de referencia a Deluxe, Vestusta Morla ou Kings of Leon.
A banda de Carballo, Chicharrón, con sons entre o dream-pop, o folk, e a BSO dalgún western crepuscular e os portugueses The Partisan Seed presentando un estilo libre de composición e interpretación.
Do outro lado da raia, o barcelense Filipe Miranda trae por primeira vez a Compostela o seu proxecto The Partisan Seed, espírito irmán de Chicharrón.
Esta programación pode sufrir modificacións. Confirmar datas e horas nos espazos onde se representa.
The Soul Jacket, formados entre Vigo e Nigrán (Pontevedra) no ano 2004, traballaron duro ata establecerse como o referente do rock&roll na cidade de Vigo.
Son os lexítimos herdeiros dese son tipicamente americano, profundo pero cálido, e á voz e a presenza escénica de Toño López, súmanse Jann Zerega ao baixo e voces, Guillermo Gagliardi e Jorge Mizer ás guitarras e voces, Xabier Vieitez ás teclas e Mauro Comesaña á batería e voces.
A banda destila un rock&roll clásico, pero cunha pátina de Soul sureño e autenticidade.
