Pop/rock

Mamá Ladilla posúe un repertorio consistente en cancións de ton humorístico, con letras nas cales abundan os xogos de palabras, as referencias á cultura popular, a escatología e o surrealismo en xeral. Con todo, ao contrario que a maior parte dos grupos que utilizan o humor como signo de identidade, Mamá Ladilla foxe do punk en favor dun rock con riffs máis elaborados, presenza de sós instrumentais e, en xeral, unha maior complexidade e virtuosismo. Eles definen o seu estilo como "punk-rock progresivo e zafio".

Gansos Rosas é unha banda formada en 2006 en Madrid, que rende tributo fiel e poderoso a unha das máis grandes bandas de rock da historia, Guns & Roses en cada unha das súas actuacións en directo. Seis musicazos que, sen recorrer ao disfrace son capaces de transmitir en directo toda a rabia e enerxía dos primeiros Guns.

Repaso total á discografía sen esquecer nin un só dos seus clásicos: Welcome to the jungle, Sweet child of mine, Paradise city, You could be mine, Don´t cry, Civil war, November rain, Patience, Yesterdays,...

A banda xalleira formada por Miguel Rial Vieites (batería), Javier Campos (voz e guitarra rítmica), Alejandro Torreira (guitarra) e Raúl Cascales (baixo).

O cantante, compositor e guitarrista nado en Wisconsin, pero con base en Los Ángeles, canaliza todo o entusiasmo do blues a través do Rock'n Roll explosivo do seu LP, Old Glory & The Wild Revival. 

Compartiu escenario con Buddy Guy ‘Honeyboy’ Edwards, e ‘Big Jim’ Johnson e foi telonero de Kenny Wayne Shepherd e Derek Trucks. Con 21 anos xa realizara máis de 500 actuacións. En 2012 lanza o disco Live at the viper room, chamando a atención das revistas Guitar World e Guitar Player, pasos previos para a publicación do seu LP Old Glory & The Wild Revival.

Por primeira vez na súa carreira, o músico de Seattle Scott McCaughey visita España para realizar unha xira en solitario. Esta vez non vén acompañado, nin acompañando, a ningunha das moitas bandas que formou ou polas que pasou como R.E.M, The Minus 5, The Young Fresh Fellows, Baseball Project, nin tampouco forma parte dunha colaboración de relumbrón xunto a Jeff Tweedy de Wilco ou a Gary Louris de The Jayhawks.

Transilvanians fórmanse na cidade de Vigo no ano 2004. Septeto integrado por músicos de diversas procedencias cunha paixón común pola música negra dos 60's, o western, a ciencia ficción ou o xénero de terror.
Percorren co seu funk marciano, refrescante rocksteady, groovy soul, horror-reggae, dub ou r&b xamaicano case toda a xeografía estatal e outros países europeos.

Concerto do grupo de rock danés Blindstone, agrupación formada en Thisted (Dinamarca) no ano 2002. A banda está considerada como a mellor banda de blues-rock do seu país e unha das máis relevantes de Europa. Posúen cinco discos de estudo dunha gran calidade e, na actualidade, traballan na edición do seu sexto traballo, o seu primeiro directo titulado: Live in Demmark.

Con tan só 23 anos, Lydia Loveless, natural de Ohio, publicaba en 2014 o seu terceiro disco, Somewhere Else. En dez cancións revolve o corazón, nunha convivencia de sons clásicos americanos cun temperamento rock e o lamento propio das súas letras, plagadas de queixas en canto ás relacións amorosas e as dificultades de encontrar a estabilidade.

Concerto do intérprete holandés Jacco Gardner, un músico que na primeira metade da súa vintena revolucionou o patio do pop vintage coa publicación do seu primeiro LP, Cabinets of Curiosities. Doce cancións rexistradas no seu estudio caseiro, exercendo de produtor e tocando todos os instrumentos (agás a batería). Aínda que cando vai de xira leva a súa banda.

En 2011, nace en Ourense o grupo BestLife (UnderYourSeat). Ou polo menos adquiriu entón o seu nome e forma definitivos.