Partimos dun deseño xa feito que a rapazada poderá colorear e completar con diferentes debuxos.
Na sala infantil. Para 12 nenas e nenos de 6 a 12 anos. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
Celebramos o Día do Patrimonio Cultural co obradoiro "Cartografías persoais" a cargo de María Meijide. Fai a túa propia cartografía persoal. Un mapa debuxado do teu pobo, comunidade ou contorna. Un obradoiro atractivo onde as pequenas e pequenos participantes adquiririrán coñecementos a través da creación.
A actividade comezará cunha proxección comentada de imaxes de mapas ilustrados e cadernos de viaxe de diferentes épocas. Así, esta parte teórica enlazará conceptos da historia da arte e das técnicas de debuxo aplicados agora á representación da nosa contorna.
O obradoiro consistirá na realización de experimentos relacionados coa luz. Farase un proxecto da creación de hologramas e como funciona a refracción da luz en diferentes materiais. As persoas participantes levarán para a casa o proxecto realizado cos materiais.
No salón de actos. Para 20 nenas e nenos de 6 a 12 anos. As persoas interesadas poden recoller a entrada no mostrador de información da biblioteca dende 30 min antes do comezo da actividade.
Obradoiro interactivo deseñado para desatar a curiosidade e o entusiasmo pola aprendizaxe.
A través desta actividade, as familias teñen a oportunidade única de explorar o fascinante encontro entre a ciencia e a vida cotiá, cun enfoque especial e comprobar como a ciencia se entrelaza coa música, a arte e conceptos físicos e químicos sorprendentes. Realizaranse diversos experimentos da man de Ciencia Kids.
No salón de actos. Para público familiar. A entrada é libre ata completar a capacidade da sala.
As experiencias científicas non soamente permiten coñecer o funcionamento dos fenómenos que nos rodean e mellorar a vida das persoas, senón que tamén poden ser moi divertidas!
Este obradoiro ten a finalidade de achegar a ciencia ás persoas máis curiosas a través do descubrimento. Con materiais sinxelos e dun xeito lúdico e cooperativo, as nenas e nenos aprenderán a través da participación e da experimentación o funcionamento de diferentes fenómenos físicos, químicos e científicos.
Texto de presentación da actividade
Trátase dunha charla-obradoiro para explorar de xeito lúdico a propia expresión a través da escritura, a partir de actividades e dinámicas dirixidas a que cada persoa descubra os seus temas de interese creativo e as raíces da súa voz literaria propia, que lle permitan logo seguir desenvolvendo unha práctica continuada.
Programa
ler conta moito
Público/s ao/aos que vai dirixido
Duración
180 minutos
Texto de presentación da actividade
Nesta actividade de creación plástica elaborarase un libro pop up sobre a biografía das imprescindibles galegas: Ángeles Alvariño, Rita Queimadelos, María Casares, Olimpia Valencia ou Elisa Patiño. Nel ademais de fomentar a igualdade entre nenas e nenos preténdese que a difusión e coñecemento da historia destas mulleres sirva de inspiración para as rapazas que comezan a pensar no seu futuro.
Programa
Día da biblioteca
Público/s ao/aos que vai dirixido
Texto de presentación da actividade
A biblioteca ideal. Crea un libro con nós no que te imaxines cal sería a túa biblioteca ideal. Que actividades tería? Sería unha biblioteca espacial? Ou unha biblioteca ó aire libre? Ou unha biblioteca feita de papel?
Programa
LER CONTA MOITO
Público/s ao/aos que vai dirixido
Duración
120 minutos
Sesións
Texto de presentación da actividade
Obradoiro tecnolóxico dirixido a nenos e nenas, onde aprenderán de forma lúdica conceptos básicos de programación, robótica e electrónica. Empregaremos robots de "LEGO Mindstorms", "LEGO Spike", esferas intelixentes "Sphero Mini", drons e outros dispositivos electrónicos. Os participantes aprenderán e divertiranse cos diferentes retos: carreira de robots, composición de melodías, lásertag, etc.
Programa
Outono na biblioteca
Público/s ao/aos que vai dirixido
Texto de presentación da actividade
Lagarta, lagarta é un álbum ilustrado publicado pola editorial Galaxia (2022), texto de Elvira Ribeiro, ilustracions de Sofia Venzel. É a historia de dúas lagartas, unha é a lagarta animal e, a outra, a lagarta moza. O tema desta obra infantil é a reivindicación da voz propia das mulleres. A actividade ten formato de contacontos e inclúe un obradoiro de ilustración arredor da temática do libro.
Programa
LER CONTA MOITO
