Nunha proposta que mestura o teatro co cinema, tal e como se mesturaron na vida da grandísima actriz, póñense en valor a nosa historia, as nosas mulleres e as nosas vidas importantes a través dun paseo por unha vida que, de por si, resume a historia do século XX. Un filme feito en directo que sorprende tanto polo contido como pola forma.
Esta actividade presencial e participativa preséntase en formato gran xogo como modo de ocio alternativo. Estes xogos teatralizados, guiados por monitores e monitoras que se caracterizan para o evento, inspíranse no formato "escape room" e implican a rapaces e rapazas de 8 a 17 anos en historias relacionadas coa tradición, a mitoloxía e a literatura galegas.
Espectáculo en lingua portuguesa organizado polo Centro Dramático Gallego en colaboración co Centro Cultural Portugués de Camões.
Un tipo con máis dun milleiro de monólogos ás súas costas é, ante todo, un tipo con experiencia. Un animal do humor en directo, disposto a arrasar o escenario que colla por diante, sexa dun bar, ou auditorio ou sexa o palco dunha orquestra.
E é que o seu é o directo! Encántalle actuar en calquera bar ou local, onde conta historias ata que o público aguante. Un auténtico todoterreo do humor disposto a calquera cousa para facer gozar aos seus espectadores.
Ultrasónica é o novo espectáculo da nosa compañía. Realizado integramente no período de confinamento, pretende ser un obxecto de entretemento para toda a familia. Ultrasónica e un experimento que mistura a ciencia ficción coas sombras chinesas na que unha rapaza, do ano 2421, chamada Carolina Ultrasónica e o seu amigo alieníxena Pin viaxan xuntos polo espazo tendo mil aventuras. Nesta ocasión a sua misión será recuperar a fonte de enerxía vital para a Terra que o malvado interespacial Román Rodas Tolas roubou en Nova Compostela.
Unha grande produción de danza, música e teatro posible grazas ao apoio das subvencións ao Impulso de Sector Escénico Galego promovidas dende a Axencia Galega das Industrias Culturais AGADIC-Xunta de Galicia e coa colaboración do Excmo Concello de Poio, que apoia o proxecto mediante unha residencia artística e albergue para tres representacións no Centro Cultural Xaime Illa.
De aquí para alá é unha proposta musical e teatral para público infantil e familiar interpretada por Lydia Botana, autora deste espectáculo que agora conta cun libro-disco coas cancións deste conto publicado en 2015 pola editorial Cumio.
“De aquí para alá” é un proxecto de música infantil no que viaxamos arredor do mundo aprendendo, escoitando, bailando e cantando as músicas de cada lugar facendo partícipe ó público que nos acompañe na procura de novos sons!
O vindeiro martes día 26, ás 19 horas no Auditorio do Concello e dentro do ciclo Opera no Cinema que organiza Amigos da Ópera de Vigo, terá lugar a representación de Suor Angelica (Il Trittico, Puccini). Trátase da produción do Covent Garden do ano 2011 con Ermonela Jaho, Anna Larson e Anna Devin. Coa dirección musical de Antonio Pappano e a escénica de Richard Jones.
A través de experimentos espectaculares iremos percorrendo o mundo creado por J. K. Rowling e analizando desde a óptica da Ciencia a viabilidade no mundo real ou non do universo literario de Harry Potter.
No salón de actos. Para nenas e nenos a partir de 6 anos e público familiar. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.
Cancións orixinais, variedade de estilos e interacción co público conforman esta proposta chea de frescura, humor e amor pola nosa cultura, fauna e contorna natural.
