Despois de anos preguntándonos Que din vos rumorosos?, Carmen Méndez, Marta Doviro e Ledicia Sola pregúntanse agora Que din as rumorosas?.
A través dun novo espectáculo de comedia, no que cantan, bailan e ata recitan, as tres comparten connosco algunhas das súas respostas. E entre rumor e humor, tamén lembrarán ás mulleres máis ilustres de Galicia, porque habelas hainas.
Estirando o chicle é un podcast de comedia que xorde da necesidade de Vitoria e Carolina de rajar sobre todas as cousas que lles indignan. Semana a semana e sobre un tema concreto, Carol e Vicky comparten experiencias e anécdotas con outras mulleres, fan crítica social, fáltanse ao respecto e cantan. Cantan fatal. No EMHU, visitarán o Castelo de San Antón para facer unha gravación especial do podcast.
Confesións, políticos corruptos e divas do pop. Manuel Burque, Henar Álvarez e Quique Peiteado estrean Buenismo Show, un espectáculo baseado no programa de radio que presentan e no que os chistes disparan a rabia pa'rriba. Seguro que perderán fórmalas pero nunca a razón e, mentres aplaudades, dálles igual. Pasen e gocen.
En “Probando, Grabando”, David Amor volve ás súas raíces. O humorista galego volve aos bares, aos lugares onde máis lle gusta actuar, onde comezou a súa carreira e onde sente que máis conecta co seu público. David aproveitará estas citas para probar cousas novas mentres recuperará algúns dos sketches e chistes perdidos co paso do tempo que fan que el e o seu público sexan máis divertidos.
Escoitaches algunha vez o son
da auga cando cae da roupa tendida?
Que ritmos esconden as pingas
dun vestido de flores?
Que compás marcarán as dun
mantel refinado e elegante?
Que melodías escápanse
dun pantalón de raias?
E se a única pinga de auga que se
desprende dun babero perdésese
baixo a Terra?
Se algo así chegase a suceder, habería
que ir buscala ata o mismísimo
fin do mundo?
Iniciou a súa carreira como actor en 1975, incorporándose ao nacente movemento teatral en Vigo e Galicia e sendo un dos "máis novos" das xeracións xurdidas ao redor dos primeiros encontros da histórica Mostra de Ribadavia. Na súa formación non regular, hai que destacar o seu paso pola "École Philippe Gaulier", de París, que acabará deixando unha gran pegada na súa obra literaria e escénica. Tras unha primeira etapa como actor en varias compañías e no CDG, debuta como autor e director de escena con Ou melro branco (Premio Géración Nós de Teatro Infantil, 1989).
Contar é un oficio que todos temos.
Levo inconscientemente recompilando contos e historias toda a miña vida, como calquera. Pero desde hai anos colecciónoos e os reacomodo, coa intención de contalos a diferentes públicos.
Escoitar, charlar, cultivar, destilar, contar, convivir,...
Mide moito as palabras. Ademais, aféctanlle moito. As palabras.
As boas pouco, as malas moito.
É ou non é IMBÉCIL?
Por que nos afectan tanto as palabras? Pregúntase Alex Ou?Dogherty neste divertido monólogo sobre o poder das palabras.
Imbécil vén de ?sen báculo? e significaba: fráxil, débil e vulnerable. E el odia ser así! Por iso, neste monólogo, propúxose falar sobre o poder das palabras, ou máis concretamente, sobre o poder que temos os que as usamos.
Rubén García leva anos sufrindo os ataques dos Haters. No seu novo show, utilizou todo o odio recibido para transformalo en Humor, Comedia e Sorrisos. Nesta España tola onde se pode ser Facha os luns, Comunista os martes e independentista os mércores, Rubén utiliza o seu escudo para darlle unha volta de porca á sociedade e sacar a parte cómica ás situacións máis surrealistas.
Desde unha visión contemporánea, o compositor galego Borja Mariño creou unha obra que pon música ao poema de Martín Códax do que non se conserva notación musical, No sagrad e Vigo. Esta composición enmárcase nun recital, Cancións galegas, para piano e soprano, coa interpretación de Carolina Moncada.
Ao musicar esta cantiga da que non se conserva música orixinal, Borja Mariño non pretende imitar o seu estilo medieval. Quere demostrar como a trova, unión de poesía e música, chegou ao presente século asumindo a herdanza melódica e harmónica pero conservando o seu espírito.
