Marcho que teño que Marchar é un emocionante e divertido espectáculo unipersonal protagonizado por Bea Campos. Un momento para a reflexión sobre os roles establecidos, as herencias culturais e as tradicións familiares. Un cesto de historias e segredos de familia feito con mimbres de muller, onde elas son as protagonistas.
“La Biblioteca imaginaria”, ten coma obxectivo principal transmitir aos nenos e nenas o pracer da lectura, e presentar as bibliotecas coma lugares cheos de maxia onde cada libro é un pequeno e marabilloso tesouro.
Leocadia, a nosa bibliotecaria, e Laura, incansable lectora, viaxarán a través dos libros e correrán grandes aventuras nunha viaxe iniciática que transformará a Laura, caerá no libro ata o tobo de “Alicia no país das marabillas”, será arrastrada por un furacán entre as páxinas do “Mago de Oz”, e voará nos brazos de “Peter Pan”.
Este espectáculo do dúo Sutottos toma como eixo o medo e os seus derivados; paranoias, fobias, obsesións e ansiedades. Unha porta mal pechada ou a humidade nunha parede son puntos de partida que conducen á neurose e que terminan atrapándonos nos nosos propios temores.
Inestable é unha sucesión de estados de ánimo que nos fai confundir os límites entre o real e o irreal.
Cando un cre que non pode máis e que non hai saída, sempre pasa algo onde o derradeiro instante sálvanos. Tocas fondo, si, pero rexordes e con sorte acabas por salvarte de ser unha Super Woman por imposición.
“Como ser super Woman y no morir en el intento” é unha viaxe ao pasado, onde as exixencias, valores, culpas e demais demos atorméntannos no presente.
O espectáculo de Cirque du Soleil mergulla ao público no universo oculto e vivo aos nosos pés; un ecosistema cheo de vida e seres invisibles, insectos que traballan, comen, arrástranse, revolotean, agasállanse e cortexan entre si, nunha explosión continua de enerxía e movemento.
O Concello de Nigrán colabora un ano máis coa celebración do International Surfing Day, que terá lugar este domingo 25 de xuño de 9:30 a 14:00 horas na praia de Patos. Este día mundial, adicado a promover a cultura asociada a este deporte, é organizado cada ano no municipio a través da Asociación de Escolas de Surf de Patos e a Federación Galega de Surf. Durante toda a mañá haberá música e xogos abertos ao público, ioga, actividade de limpeza da praia, agasallos e rifas e unha merendola.
Este espectáculo, que mestura a narración co teatro e o cinema, pretende divertir e espertar nas nenas e nos nenos o amor polo cine, descubrirlles o poder que teñen as imaxes e o cinema para transmitir historias.
Será Alice Guy, a nai do cinema, a que esperte a súa curiosidade pola orixe da sétima arte.
Alice, desde ben pequena, escoitou contos da súa avoa que acordaron nela o amor polos libros. Co paso do tempo chegou a ser unha gran contadora de historias que logo levaría á gran pantalla.
Un mastro chinés, dous mastites chinés e unha parte do público sen que a historia non podria terse en pé.
Un espectáculo onde os corpos falan á praza das palabras
Unha historia dun encontro e unha separación.
Unha historia dun home e unha muller.
Unha historia dun home e muller calquera.
Unha historia de amor.
Unha historia da dificultade de estar preto do outro.
Unha historia do coñecemento do outro e as súas diferenzas.
Unha historia de dozura.
Unha historia de dor.
Latexo é son. Latexo é movemento. Latexo é unha explosión de ritmo e enerxía. O espectáculo de Latexo combina o visual da danza cos arranxos musicais baseados na tradición dos blocos afro de Savador de Bahía. Latexo aporta a súa propia visión do estilo, matizándoo a través de influencias que van dende a percusión mandinga ou a música galega ata a percusión contemporánea. Os ritmos magénticos de Latexo buscan a éxtase nunha natural combinación entre as frecuencias dos diferentes instrumentos do ensamble.
Dimitri, un xenio do escenario segundo el, aínda que de dubidosa reputación artística. enfróntase ao seu terceiro traballo en solitario. Despois de case actuar en prestixiosos festivais, salas B dos mellores teatros e de case gañar algún premio, Dimitri ten unha epifanía: Nacín para ser unha lenda do escenario. Así que monta un espectáculo onde se xogará a vida. Dimitri preséntase cun novo show onde se xogará unha e outra vez a vida para conseguir este obxectivo.
