Jesús Velasco fórmase en Circonove e na escola de Circo Carampa. Crea a cía Pass & Company e traballa en outras de ámbito nacional e internacional. En Galicia, funda Xanpatito Pato e crea o espectáculo “SÓ.”, un traballo minucioso co que recibíu numerosos e destacados premios.
SINOPSE
Un personaxe obsesivo, cuadriculado e meticuloso.
Único na súa especie, rodeado dun sen fin de caixas que escapan ó seu control, xoga para dar forma ó seu mundo.
Guerra de identidade é o primeiro espectáculo da cía. DeuVe, unha cía. nada para facer proxectos persoais e emocionantes.
SINOPSE
Obsesionada coa figura ausente e controvertida do pai, xogador de elite e militar na guerra de Iugoslavia, unha muller 1/2 galega, 1/2 croata narra a viaxe para coñecer a súa familia. Unha historia de amor entre o dramático e o cómico, o testemuño e a imaxinación e a memoria persoal e a colectiva.
Cirkompacto é a unión creativa de Iván Casanova e Malala Ricoy. Unha compañía de recente creación que, nacida baixo a premisa da importancia que o circo e as artes escénicas poden ter e tiveron na educación social, pretende cargar con contido todos os seus espectáculos.
SINOPSE
Rejhuz e Glakghs Setén son fillos de Satanás. Seu pai decide botalos do inferno para que aprendan a gañar o mal por si mesmos. Rejhuz, o maior, é un ególatra que chega á terra disposto a dominar a humanidade pero... que van atopar? Son estes dous pobres diaños tan malos como presumen?
El Cruce é unha fusión de circo contemporáneo, teatro físico e música que explora as fronteras da expresión física e xestual cunha poética única e un xogo sutil entre a tensión do fráxil e o misterio, o suspense e a sorpresa intrínseca nos medos, desexos e relacións humanas.
SINOPSE
Punto e Coma non están. O seu mundo non existe. E si vostede pode velos é unha persoa privilexiada. Coexisten nun fragmento esquecido entre tempo e espazo, un lugar onde as imaxes bailan, a fraxilidade treme e os obxectos collen vida nun mundo único, máxico e perigosamente próximo.
Asacocirco, compañía galego-brasileira, transforma calquera espazo nun pequeno picadero de Novo Circo, onde a risa, o risco e a espectacularidade están garantidas en todas as súas actuacións. O estilo de humor destes artistas non ten fronteiras e cativa a público de todas as idades.
SINOPSE
"Circo de lume" é un espectáculo de pura acción. Consta de emocionantes números, que mesturan técnicas de danza con malabarismos, manipulación, pirofaxia, humor e trato directo co público. Espectáculo de efectos visuais impresionantes!
Luca e Ina coñecéronse nun proxecto de circo social en Quenia. Comparten a paixón polo circo e a súa pedagoxía. Formáronse xuntos na Escola Circo "Carampa" de Madrid e na Escola de Circo “Flic” de Italia, especializándose en portes acrobáticos, mástro chinés e monociclo.
SINOPSE
Unha parella de panadeiros, un libro de receitas e diverxencias na cociña.
O seu enérxico ritmo vainos levar a un ambiente familiar e pouco usual, onde os ingredientes, coidadosamente seleccionados e amasados de forma excéntrica, crearán un pan suculento.
Buon appetito!
Atardeceres fronte ás Cíes, desde a terraza de 2.000 metros cadrados que coroa o edificio do Auditorio e Pazo de Congresos Mar de Vigo, concertos íntimos, e seguros, dalgúns dos intérpretes máis aclamados en Galicia e España. Esa é a proposta do Festival TerraCeo. Así é a iniciativa coa que o Mar de Vigo pretende apoiar a recuperación da actividade cultural e turística na cidade.
Noites de retranca no Festival Terraceo de Vigo!!!
Un especial " Día dá patria" con Quico Cadaval,Mofa e Befa e Celso Fernandez Sanmartín.
Atardeceres fronte ás Cíes, desde a terraza de 2.000 metros cadrados que coroa o edificio do Auditorio e Pazo de Congresos Mar de Vigo, concertos íntimos, e seguros, dalgúns dos intérpretes máis aclamados en Galicia e España. Esa é a proposta do Festival TerraCeo. Así é a iniciativa coa que o Mar de Vigo pretende apoiar a recuperación da actividade cultural e turística na cidade.
Atardeceres fronte ás Cíes, desde a terraza de 2.000 metros cadrados que coroa o edificio do Auditorio e Pazo de Congresos Mar de Vigo, concertos íntimos, e seguros, dalgúns dos intérpretes máis aclamados en Galicia e España. Esa é a proposta do Festival TerraCeo. Así é a iniciativa coa que o Mar de Vigo pretende apoiar a recuperación da actividade cultural e turística na cidade.
Luis Zahera cumpre 10 anos de monólogos e,para celebralo presenta " O mellor do mellor".
Venga Monjas é un dúo cómico e guionistas de Barcelona composto por Esteban Navarro e Xavier Daura, que iniciaron a súa actividade en 2006 colaborando con diversas creacións audiovisuais na plataforma de vídeos da internet Youtube. Desde entón, proxectaron o seu estilo de humor grotesco e esperpéntico na creación varias webseries e o seu traballo de guionistas en series de televisión.
