Tierras del Sud é a segunda parte da triloxía escénica documental PACÍFICO, de Txalo Toloza-Fernández e Laida Azkona Goñi, centrada na estreita relación existente entre as grandes fortunas estranxeiras e a barbarie sobre os pobos orixinarios latinoamericanos, o desenvolvemento de novas formas de colonialismo e as diversas expresións da cultura contemporánea.
O corpo e a terra estreitan os seus lazos nun espectáculo de danza e música que nos transporta á dura beleza dos labores do campo. A muller no centro desta conexión telúrica; día e noite, xornada tras xornada repetida nunha sucesión inesgotable de estacións. O sol e a choiva, o vento xeado, crúas paisaxes de intemperie habitadas unicamente por unha coreografía humana de apeiros de labranza, de corpos que cargan e arrastran, que danzan entre os surcos arados na terra.
O mundialmente aclamado Ballet Imperial Ruso, fundado por Maya Plisetskaya e dirixido por Gediminas Tarandá, presenta o seu ”Lago dos Cisnes” da man dun elenco composto por 45 bailaríns do máis alto nivel.
Luís Zahera repasa os seus mellores textos en Pontevedra.
A súa infancia,as súas viaxes,o Luar, Gayoso e os artistas, os seus inicios en Madrid, os seus recordos máis persoais...
Todo isto nun delirante espectáculo de humor.
Goza da bis cómica dun dos nosos mellores actores.
David Guapo é seguramente un dos mellores showmans de España e, sen dúbida, o de maior proxección. En moi pouco tempo pasou de ser un perfecto descoñecido a ser un fenómeno de masas.
Os seus espectáculos son un despregamento de talento: acting, improvisación e música combinados sempre co mellor humor, ironía e desenvoltura, nun ton branco e familiar que o fai apto para todos os públicos.
O Fantastic Colofon é o espectáculo de clausura do EMHU. Trátase dunha gala creada para o festival e da que só haberá unha representación. Non a podes perder!
Ademáis, no evento contaremos con David Perdomo, Luis Piedrahita (El Hormiguero e El Club de la Comedia) e Xosé Antonio Touriñán (Fariña y Land Rober). Este elenco de luxo citará a varios compañeiros/as de profesión para presentar un espectáculo único e exclusivo. Tras máis de dez días de actuacións en directo, encontros, mesas redondas, exposicións e estreas, esta gala corona o festival dende o Teatro Colón de A Coruña.
DEFORME SEMANAL é un late night cultural e político presentado por dúas mulleres feministas: Isa Calderón e Lucía Lijtmaer. Este feito insólito en España debe ser celebrado. Deforme Semanal alónxase da perspectiva machirula e comenta a actualidade e os estereotipos para comprobar que, se o mundo pode ser unha traxicomedia, a realidade que nos rodea sen dúbida é un stand up irónico. Seica este late night de Diario Público é, antropolóxicamente, o máis interesante que ten acontecido nos últimos anos.
Neste concerto contaremos coa presenza de tres dos mellores cantantes españoles da actualidade, o barítono Carlos Álvarez, aínda recente o seu triunfo no Don Carlo do ano pasado e pouco despois da aparición do soberbio Otello que gravou xunto a Antonio Pappano e Jonas Kauffman; o tenor Alejandro Roy, que comparece en España despois do enorme éxito que colleitou durante a temporada pasada como Calaf na Turandot do Metropolitan de Nova York; e o baixo Simón Orfila, tralo seu aclamado Leporello no noso Don Giovanni con posta en escena de Carlos Saura e dos seus triunfos en Italia co Ernani ver
Tal e como o enuncia o título do novo espectáculo, unha vez máis, o Grupo Encanto entregará ao publico unha montaxe especial baseada na solidariedade, a amizade, o traballo en equipo e a empatía. Cunha esmerada selección da súa longa lista de éxitos, esta filosofía refórzase aínda máis dada a expansión a países Latinoamericanos incluída na longa lista de cidades que visitarán nesta edición, tendendo así pontes culturais entre ambos os continentes.
Esta compañía pon en escena o Shakespeare máis divertido. É unha das obras de máis enredo do autor inglés que se desenvolve na casa de dona Leonata, unha festa que comeza cun inocente cóctel que se transforma nun gran recibimento triunfal. A cousa promete no remate co baile nupcial, pero despois do baile de máscaras comezan os estragos.
