Coa Gran Gala de Circo celébrase no Auditorio de Galicia o día internacional do Circo. Un espectáculo de variedades coordinado por Pistacatro. Un feixe de artistas locais e vidos doutras terras preparan unha festa para gozo do público grande e miúdo.
Na periferia dunha cidade calquera, nun vello patio, Amal escóndese en plena fuxida. É unha moza que despois de vivir os horrores da guerra tivo que deixar o seu país en busca de refuxio en Europa. Non sabe que, nese mesmo lugar, outra moza tamén buscou refuxio para escapar das súas propias angustias e preocupacións. Quizais descubran que comparten máis do que podían imaxinar...
Amal, en árabe, significa esperanza. E iso queremos que sexa este relato. Unha historia sobre as persoas, a vida e a esperanza de crear un mundo mellor.
Paüra é un espectáculo de humor. Dámoslle a man á Paüra e levámola de compañeira a unha aventura escénica para todos os públicos con música en directo. O medo nunca foi un bo conselleiro e, con todo, a miúdo é o que nos move a accionar. O medo existe e cohabita en cada un de nós; desexamos non sentilo, pero levámolo dentro.
Afondamos na linguaxe do pallaso, para falar do medo con gargallada e poesía. Un concerto teatral. Unha peza musical chea de hilaridade.
Marita Muñiz Rial preséntanos Aventura en la fraga mágica, un relato cheo de maxia e amor, que pretende concienciar acerca da importancia de coidar e preservar a Natureza. Ademais da presentación tamén fará unha sesión de contacontos.
Data e hora: mércores, 3 de xaneiro ás 18:00 horas.
Público destinatario: infantil.
Sen inscrición previa, ata completar aforo.
Crisálida é un espectáculo que quere poñer en valor a importancia do comercio tradicional nun mundo globalizado e cada vez máis dixitalizado. A necesidade da existencia deses espazos que axudan a crear comunidade. Unha historia coa que queremos facerlle unha pequena homenaxe a esas persoas que fan as nosas cidades máis vivas.
Para celebrar o Nadal Bea Campos contaranos divertidas historias de Nadal, con acompañamento musical, para gozar en familia.
-Data e hora: venres, 15 de decembro, ás 18:00 horas.
-Público destinatario: Infantil
-Entrada de balde ata completar aforo
Klad "El loro pegatina" é un conto máxico, tenro e cheo de cor que a súa autora ven presentar o día 12 de decembro á Biblioteca de Pontevedra. Ademáis é un libro solidario, xa que a súa recadación irá destinada a diferentes entidades que axudan na loita contra o cancro infantil
-Martes 12 de decembro ás 18:00 h.
-Entrada libre ata completar aforo.
-Público infantil, xuvenil e adulto.
O hábitat natural de calquera pallaso é a escena, co seu público. Pero que pasa cando queda só? É no camerino onde se mesturan persoa e personaxe.
É nesa fronteira onde ten lugar este espectáculo.
Vexan como se defende da soidade e a rutina con imaxinación e humor.
Historias onde os máis miudiños achegaránse aos libros e á lectura dunha forma lúdica e divertida, despertando o interés pola lectura con esta sopiña de contos, ben quentiña e saborosa.
Esta actividade está pensada para bebés de 1 a 3 anos (acompañados dunha persoa adulta).
Para asisitir é preciso facer inscrición previa chamando a partir do luns 11 (o venres anterior é festivo) aos números de teléfono 988 788385 / 386.
Pakolas conta e canta a historia da Ramona pequena, unha nena movida por constantes inquedanzas cunha mente moi esperta que adoraba perderse entre as páxinas de Xulio Verne. A Lúa era para ela unha fonte imparable de preguntas sen resposta.
Vivimos así unha nova aventura didáctica e rockeira rebordante de imaxinación e aprendizaxe.Espectáculo dirixido a público familiar.
No salón de actos, a entrada é libre ata completar a capacidade da sala.
