Contacontos/Narración oral

Camila é xa todo un clásico para a nosa infancia. Un conto no que a colaboración e a empatía cobran protagonismo. A través da palabra, da canción e das imaxes os nenos e as nenas gozarán desta viaxe con Camila que xa está preparada para ser maior.

No salón de actos. Para 20 nenas e nenos de 0 a 3 anos. Cada bebé estará acompañado dunha persoa adulta. As persoas interesadas poden recoller a invitación no mostrador de información da biblioteca dende 30 min antes do comezo da actividade.

Dous amigos teñen unha conversa divertida e surrealista para definir o que é un libro. Pódense axustar as páxinas, ten contrasinal, como o cargas? E onde gardan tantos libros!

Shhhh...calma, hai un lugar máxico onde viven os libros comodamente, é na Biblioteca! E os contos desta sesión sairán todos dela.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Celebramos o Día das Escritoras e reivindicamos o seu labor e legado ao longo da historia. Facémolo coa contada “Escritoras da natureza” que recolle contos que chegan desde o baleiro da imaxinación onde xurde todo para descubrir unha parte do que esconde a natureza mediante historias e cantadelas que atraparán tanto a grandes como a pequenos. A actividade está a cargo da escritora e narradora Aroa Viva Voz.

No salón de actos. Dirixido a nenas e nenos de 3 a 8 anos. A entrada é libre ata completar a capacidade da sala.

Miudiñas historias para as nosas miudiñas e miudiños preferidos. Contiños cheos de sorpresas e emocións que os divertirán e os iniciarán no máxico camiño dos relatos e as historias.

No salón de actos. Para nenas e nenos de 0 a 3 anos. Entrada libre ata completar a capacidade da sala.

Texto de presentación da actividade

Os pais de Martín mercábanlle  agasallos, pero nunca estaba contento. Unha tarde atopouse  coa súa  amiga Martiña e descubriu cómo deixar de estar aburrido. Martín aprendeu a xogar co lapis máxico e a probar os milleiros de posibilidades que ten, empregar a imaxinación.
 

Programa

CONTACONTOS DE VERÁN NA BIBLIOTECAS MUNICIPAIS

Público/s ao/aos que vai dirixido

• Público infantil 

Duración

50 minutos

Texto de presentación da actividadeO noso avoiño viaxeiro continúa a amosar ledicia e humor para achegarnos algunhas das máis apaixonantes lendas historias sobre mulleres da nosa terra galega. Uns relatos repletos de fervor, forza, coraxe e coma sempre moito humorProgramaLer conta moitoPúblico/s ao/aos que vai dirixido

• Público infantil (3 a 12 anos)

Duración40 minutosSesións

Texto de presentación da actividade

Conto interactivo e participativo no que os nenos/as acompañan a Zog na Escola de Dragóns. Todos xuntos aprenderemos a comportarnos como auténticos dragóns e a superar cada unha das probas plantexadas pola señorita Dragón. Polo camiño, coñeceremos a unha rapaza que non quere ser princesa, o seu soño é ser doutora, axudaralle Zog a conseguir o seu soño ou a secuestrará nunha torre como ás princesas?

Programa

CONTACONTOS DE VERÁN NAS BIBLIOTECAS MUNICIPAIS

Unha nena aprenderá a facer os seus propios vestidos e compartirá a súa aventura coa súa familia.                    

No salón de actos. Actividade dirixida a público infantil. Entrada libre ata completar a capacidade da sala.

Celebramos o Día das Linguas co Contacontos interpretado en lingua de signos. A Federación de Asociacións de Persoas Xordas de Galicia interpretará contos na lingua de signos para as persoas que non poden ouvir e en voz alta para as demais.

No salón de actos. Para nenas e nenos de 3 a 8 anos. Entrada libre ata completar a capacidade da sala.

Un día Lúa decide baixar á terra para observar que é o que alí sucede e, sobre todo, a que se debe tanto barullo. Neste contacontos, Pepablo Patinho propón unha morea de poemas cunha protagonista común, a lúa e co obxectivo de que as nenas e nenos recapaciten sobre problemas da sociedade. Temas como as guerras, as fronteiras entre os pobos, o egocentrismo excesivo ou as diferenzas sociais están presentes nos versos de Lúa.

No salón de actos. Para nenas e nenos de 3 a 8 anos. Entrada libre ata completar a capacidade da sala.