Concerto

Considerada pola crítica como a banda líder da nova escola peruana, Bareto volve a Compostela tras o seu paso polo Womex coa cumbia e a música tropical alternativa que lle valeu dúas nominacións nos Grammy latinos.

Son cinco amantes do pop e do rock, constitúen un dos conxuntos músico-vocais con máis tirón do panorama musical galego e xuntos forman unha gran familia: Familia Caamagno. De Sigüeiro ao Gaiás para facernos bailar sen límites.

O son psicodélico pono a banda brasileira Boogarins, banda que combina á perfección a tradición do tropicalismo e unha ollada moderna ao rock en portugués. Na praza central do Gaiás gozaremos cos seus ritmos e coas cancións do seu último disco: Lá Vem a Morte.

Sesión de cine ao aire libre en homenaxe a The Beatles: 50 anos de publicación do Sgt. Pepper's Lonely Hearts Club Band. Con Alfonso Espiño DJ + Cine: Eight Days a Week.

Carla Morrison, posuidora de tres Grammys latinos, chega ao Gaiás tras percorrer o continente americano co seu último traballo Amor Supremo. Beleza feita música na voz desta mexicana convertida nunha das máis importantes figuras do pop alternativo.

Maltrato ruidista extremo, ritmos repetitivos e envolventes, esqueletes de melodías rotas por repentinas descargas de berros salvaxes. Así se presenta Fasenuova, banda de Mieres que promete, tras a súa actuación na praza central, deixar rastro.

Os reis do rap galego inauguran o Atardecer no Gaiás 2017. En formato DJ, Malandrómeda abrirá a festa o vindeiro 6 de xullo, enchendo a praza central da Cidade da Cultura coas súas rimas de batalla e ritmos imaxinativos.

O músico, pintor e cineasta Franco Battiato acode á cidade da Coruña para actuar no Palacio da Ópera.

Battiato deuse a coñecer na década dos sesenta, cando se mudou a Milán e conseguiu o seu primeiro contrato muscial, aínda que non foi ata os anos setenta cando Battiato saltou á fama, co lanzamento do seu disco A convenzione paranoia, un disco de ciencia-ficción de rock progresivo.

O músico e escritor Juan Abarca acode en solitario ao Café Auriense para tocar os temas do seu disco La caja de nada (2012). Juan Abarca é coñecido por ser o cantante e guitarrista do grupo Mamá Ladilla. Ademais, Abarca acaba de publicar o seu libro Diccionario jeroglífico, tras o éxito do seu anterior libro Dios es chiste.

Este polifacético músico tamén forma parte do grupo Dixlexsia e do grupo Engendro.

Durante o concerto tamén actuará o músico Kondiós.

O Festival Internacional Peregrinos Musicais está organizado pola Asociación Peregrinos Musicais, co obxectivo de unir a solistas de todas as partes de Europa a través do Camiño de Santiago, promover e dar oportunidades aos novos artistas galegos e achegar as culturas de todos os países participantes.

Maestros e Laureados é un ciclo dentro do festival que une a mestres consagrados con intérpretes noveis de gran talento.