Concerto

A banda viguesa presenta o seu último traballo, Motel Acapulco, un vinilo color vermello con 18 temas de puro hot rod/rockabilly e boogie/surf. 

A Orquestra Os Modernos leva o seu ritmo e o seu "arrechuche" de Dissimulem a San Vicenzo da Baña.

Dissimulem é o primeiro disco da orquestra, gravado nos Estudios A Ponte e no que poñen o saber facer aprendido en cinco anos de directos. A orquestra encaixa no folk-trad, un "rexistro musical que garda a esencia das noites de verbena e as mañás de vermú". 

Pink Tones cumpre 13 anos sobre os escenarios interpretando a música de Pink Floyd, afinando un espectáculo preciso, elegante e cheo de paixón. Estudando palmo a palmo a extensa obra da banda británica.

Pink Tones non é unha banda ao uso e a súa actitude sobre o escenario dista moito dos chamados grupos covers ou tributos. Durante estes 13 anos de carreira gañáronse a fama de ser un dos mellores grupos interpretando a música de Pink Floyd.

Abborn rende homenaxe a Abba desde 1999.

Música e voces en directo, vídeo proxeccións e cambios de vestiario. Case dúas horas de espectáculo con todos os grandes éxitos do grupo sueco.

A banda percorreu os principais teatros de España nos dous últimos anos, ademais de países como Francia, Bélxica, Holanda, Rusia, Polonia, Eslovenia, Eslovaquia, e con proxección, en 2018, dunha xira por América que se iniciará no mes de abril.

Iniciativa a nivel galego pro damnificados dos incendios forestais de outubro. Entre os artistas confirmados están 3D Band Ferrol e Rock Caravan.

Logo de participar en múltiples proxectos musicais, comeza a súa andaina en solitario co nome de Roger de Flor a comezos de 2007 coa presentación da súa primeira maqueta.

Máis tarde retírase temporalmente dos directos e céntrase na composición e posterior gravación de novas creacións incluídas no disco Naturalidad Silvestre, no que se poden atopar estilos como o swing, pop, country e balada, sempre co toque persoal e humorístico que imprime nas súas cancións.

Concerto de Marcos Teira Trío na Arca de Noe. 

O trío está composto por Marcos Teira, á guitarra, Alfonso Calvo, ao contrabaixo, e Mon Fernandez, á caixa. Basea o seu repertorio en músicas aflamencadas que parten de distintos autores e xéneros, dende John Lennon ata Charles Mingus por bulerías, fandangos, tangos, etc. 

Tango en Xan3iro está formado por tres fontes de harmonía: unha zanfona, un clarinete baixo e un acordeón con escintileos de gaita, ademais da voz. Interpretan melodías tradicionais e tamén outras propias achegándoas ao tradicional.

Mutant é unha banda galega de metal que tocaron en case todos os pubs de Galicia desde 2007. Tras o seu primeiro Ep "Reset the World" en 2009 foron desenvolvendo o seu estilo. Tamén compartiron escenario con grupos como Evile, Angelus Apatrida, Vita Imana, Crisix, Mnemic, Slayer, Lamb of God ou Trivium.

Manos Unidas organiza este concerto benéfico para o abastecemento de auga nunha escola de secundaria en Mozambique.

A actuación correrá a cargo da Big Band Rockschool Center.