Nacida a finais de 2014 en Ourense, Mad Mission é unha banda de funk rock elegante con enérxicas voces soul.
Os seus catro compoñentes: Marisa (voz), David (baixo), Juancho (guitarra) e Santos (batería), con sobrada experiencia en formacións anteriores, ofrecen un vibrante espectáculo con ritmos impetuosos.
O grupo integrado Marcelo Pull (guitarra e voz), Lepa Castro (baixo e coros) e Kiki Tornado (batería e coros) estreouse en 2016 co seu disco debut, We Are New Pull. Un fresco e auténtico traballo que impacta desde o primeiro tema. Unha mirada cautivadora aos sons que marcaron unha época, desafiando patróns cun estilo novo, moi persoal e brillante.
O grupo integrado por Rafa (voz), Vito (guitarra), R2 (guitarra 2 e segunda voz) e B-tox (bateria), traen o seu concepto musical, que se caracteriza por ter contidos rítmicos e guitarras poderosas, crúas e enerxéticas.
Texxcoco é a banda de moda da escena rock independente española. Con menos de dous anos de vida, esta banda acaparou os eloxios de todas as publicacións nacionais, grazas ao seu brillante directo. Desde a súa soada participación no Fuzzville, un dos mellores festivais de garage do continente, conseguiron consolidarse nos grandes escenarios da escena independente española.
Neste concerto presentarán temas do seu traballo, Disorder.
Hongo (A Coruña) ofrecerán un concerto íntimo, intenso e persoal, no que repasarán os seus 15 anos enriba dos escenarios tocando temas de tódolos seus discos. Cancións que xa son parte da historia da música underground e que rara vez se poden escoitar en directo.
CRÚ (Carral) abrirán a velada. Grupo de metal cunha proposta escénica superecléctica con influencias que van dende o rock, ó stoner ou hardcore. O acompañamento perfecto para unha velada na que se revivirán moitas lembranzas e emocións.
Aullido Atomico, é un trío musical de Valencia que fabrica temazos de punk and roll con melodías rockabilescas, e que veñen presentar Decadencia, o seu novo disco onde se atopan os rasgos que os definen multiplicados o máximo exponente para ser a mellor testemuña da súa identidade ata o de agora.
Aullido Atomico é un trío musical de Valencia que fabrica temazos de punk and roll con melodías rockabilescas, que ven a presentar Decadencia, o seu novo disco, onde se atopan os rasgos que os definen multiplicados o máximo exponente para ser a mellor testemuña da súa identidade ata o de agora.
Gog y las Hienas Telepáticas presentarán os temas do seu inminente novo traballo Triad, sucesor de Choke/Drown e unha nova demostración do poder da banda, que desafía xéneros e definicións.
A banda Senhor X formouse no ano 1997 en Brasil.
A música desta banda busca a innovación e foxe do convencional. Presenta unha alta calidade sonora e formas musicais que foxen do estándar, así como letras e arranxos que mesturan de forma sutil a realidade de cada un de nós.
La Oveja Negra é un grupo homenaxe á mítica banda navarra de rock Barricada. Tras a desaparición desta, tres músicos de Ferrolterra xúntanse para rememorar as cancións do grupo musical.
Recollen temas tan míticos como 'No hay tregua', 'En blanco y negro' ou a mesma da que toman o seu nome, 'Oveja Negra'.
Formación:
Fran Rodríguez, guitarra e voces
Roberto "Chiqui" Feal, batería
Jose Reynoso, baixo e voz
Formado en 2010, The Boo Devils non deixou de crecer, expandindo irrefrenablemente o seu repertorio: unha mestura de rock and roll, psychobilly e country & western con espírito punk.
Durante o último trienio, The Boo Devils progresou de forma exponencial en todos os ámbitos. Sobre o escenario son moito máis que un grupo solvente e os seus concertos garanten intensidade nunca exenta de matices.
