Concerto

O mellor do hip hop galego reunido para celebrar o aniversario de Old Skull.

En 2017 Iván Sanjuán crea este cuarteto para presentar as composicións que formaron parte do recital de final de master de interpretación en batería jazz que cursou na Universidade de Évora (Portugal). A partir dese momento deciden continuar co proxecto de forma estable realizando diferentes concertos pola xeografía nacional participando na programación de diferentes festivais. En 2019 lanzan o seu primeiro traballo discográfico titulado  Friendship gravado nos estudos Timbuctú de Lisboa.

Cando o chifro soa e roda a tarazana, as navallas e os coitelos abandonan os petos e os fondos dos caixóns, onde durmen. Ocupan a rúa. Procuran un novo fío. Buscan cortar de novo. Nestes tempos tan ingratos cómpre ter a man unha navalla ben afiada. A nosa navalla é a canción. Tamén o baile.O Sonoro Maxín comeza, como unha tarazana, un camiño de ida e volta para compartir, a través da súa música, os momentos e os lugares nos que naceu, creceu e amou. Reclamando un espazo para poder bailar mellor. Reivindicando a música como unha arma de construción masiva.

O Cadelo Lunático é un proxecto fundado en 2015 por Javier Prado (Moondogs Blues Party), co que trata de aportar música de raigame blues en galego, con letras que reflicten o momento social que nos toca vivir nesta época, incluindo ademais poemas musicados de Celso Emilio Ferreiro ou poetas actuais como Cristina Corral Soilán.

Fan música raibosamente nova, tan afastada do  monotema pseudo-épico do indie nacional como da fauna que por idade lles corresponde. Sergio (voz e guitarra), Dani (batería) e Juan (sintetizadores e coros) conforman  The Levitants, un trío de Valladolid cuxa proposta musical escura e vertixinosa redefine as bases do dark-rock levándoo a unha nova dimensión cunha proposta inédita tanto polo seu formato -non levan baixo- como polo aura de enerxía magnética que os rodea e que fai que todo o que fan leve o seu selo único e persoal.

Despois de esgotar entradas na Sala Caracol de Madrid, os madrileños estarán a presentar o seu novo traballo Doble o Nada co seu potente directo en cidades como Ourense, Santiago, Guadalaxara, Zaragoza, Logroño, Granada e moitas máis onde se poderá gozar de Rock sen prexuízos e melodías esmagadoras para todos os públicos.

Fomentando un espazo para músicos timidos e para xente nova, o pracer de tocar un solo onde te poidan oír, pero sen verte, xa que estarás, literalmente, nun espazo de 1m cadrado entre dúas prantas. Case como tocar na casa.

Todos os estilos musicais son benvidos, excepto os que conteñan letras racistas, homófobas ou excesivamente vulgares.

Os solistas actúan nun oco entre as 2 prantas. Así, non se pode ver ao solista, só poderás oílo. Haberá un descanso entre cada solo para facilitar a mobilidade do publico e dos artistas.

Os mércores na Sinatra Coctel Bar son de Monk Blues Band.

A partir das 21:00, Javier e Diego Pacheco e Arturo Raude faranse cargo da jam session onde tocarán temas de tódolos xéneros como blues, rock, soul, funky ou pop para deleitar a todo tipo de públicos cos mellores temas e pasar unha noite chea de melodías e ritmo para gozar.

Despois de “Isto é Jazz” (2005), “Xacobe Martínez Antelo Trío” (2008) e “Jazz from Galiza” (2010) Xacobe Martínez Antelo, a través do seu renovado trío, saca o seu cuarto traballo discográfico como líder.

En “CAPTURAS” (2019), o trío composto por Xosé Miguélez, Max Gómez e o propio Xacobe, presenta un traballo profundo, maduro, absolutamente ancorado no presente, e que rebosa música polos catro costados. Oito composicións orixinais inspiradas en feitos cotiás e realidades que nos agreden, que nos acompañan, ou que forman parte do noso contexto vital.

A entidade galega sen ánimo de lucro  NormalizAutismo Galicia, promovida por familiares e amigos de persoas con trastornos do espectro de autismo presenta o seu segundo concerto benéfico. O Concello de Santiago, a sala Sónar Directo, Galletas para Matilde e Beyla colaboran co seu apoio a celebración do concerto.Todos os artistas convidados colaborarán dun modo individual e colectivo, así que poderemos gozar de versións e melodías nunca antes escoitadas.