FA é o novo traballo de Susana Seivane tras oito anos de silencio discográfico, un longo período que lle serviu de inspiración para a composición de seu quinto álbum. FA (Fiz y Antón) é unha profunda introspección no mundo da maternidade, os convencionalismos, a familia e a plenitude personal.
Sen perder a súa esencia definitoria, Susana explora novos ritmos imprimindo modernidade na tradición e erixíndose como unha das máis virtuosas gaiteiras de tódolos tempos.
?Swing du Monde? é un proxecto que presenta a Tonichi Feijoó na guitarra e a Manuel Cebrián no violín. Músicos de gran traxectoria no panorama do jazz, que interpretan grandes clásicos do jazz manouche de todos os tempos.
O jazz manouche ou gypsy jazz, é unha música moi rápida e divertida que tivo a súa orixe nos xitanos franceses. O dúo lémbranos aos grandes autores do jazz manouche, pero coa perspectiva do século XX; inclúen tamén temas clásicos do s XX e por suposto música de raíz zíngara.
Conduto Coloquio é unha banda de rock/blues orixinaria de Lugo formada en 2013. Os seus compoñentes son Lea Escudeiro (baixo), Miguel Belo (voz, guitarra), Víctor (batería), Andrés Haensel (teclados), e Luís "Bedu" Pérez (guitarra).
O grupo Cómplices nace en 1987, cando Teo Cardalda e Germán Copinni deciden desfacer o seu anterior grupo, Golpes baixos, para ir cada un polo seu lado. Cardalda decide formar Cómplices xunto á súa parella María Monsonis e os músicos Tino DiGeraldo e Billy Villegas. O seu primeiro álbum, publicado en 1988, leva por título 'Mazás' e mostra un estilo máis tranquilo ao que ata entón levaba Teo. Doutra banda, a popularidade do grupo aumenta coa publicación en 1989 de 'Angeles desangelados'.
COLT 45 The Peacemakers é unha banda santiaguesa que versiona temas clásicos do country e do rock dos anos 60,70 e 80.
A compositora de orixe palestina, Najla Shami, demostra unha gran multiculturalidad nas súas composicións: Brasil, África, Sudamérica ou Xordania son algúns dos lugares que inspiran á cantautora para crear sons que se moven entre o folk e o pop, con elementos do jazz.
A banda de música folc galego Pepe Vaamonde Grupo leva máis de trece anos de vida e 200 concertos nos escenarios máis representativos de este estilo musical. O seu espectáculo é un proxecto artístico baseado nas creacións propias e nunha visión persoal da música do país, que se reflicte nun directo contundente e orixinal.
Ghaveta, convídavos a percorrer a música galega e o seus ritmos cunha característica formación de cuarteto acústico.
O particular son de Ghaveta chega o espectador ata sumerxilo nun universo tímbrico cheo de sentimento e armonía.
Con 30 anos de carreira profesional, Lou Reyes preséntase agora coa súa nova, aínda que coñecida, banda. Deixando atrás xa Os Rockin Corsarios, e despois de formacións e experiencias como Lou Reyes& Os Astros, Lou Reyes & The Wild Bunch, Os Horizontes, Os Mustang Charros ou a mencionada Os Rockin Corsarios, o actual show de Lou Reyes é un pouco compendio de todas elas, o que inclúe desde o rockabilly máis cincuentero, pasando polos toques country ata o tex- mex máis rancheiro Nin máis nin menos que puro Lou Reyes. O Rock?N Roll Rancheiro.
DOUS son Fernando Abreu e Pablo Carrera. Música instrumental para escoitar e viaxar cos sentidos.
