Concerto

Ganjahr Family é un grupo formado por Daniel Canela a.k.a. Nivel Canelow e Pablo Lenda a.k.a. Donpol, nacidos o 9 de marzo de 1984 en Cádiz e o 4 de abril de 1987 en Vigo, respectivamente.

Tras participar en varios e diferentes proxectos musicais, ven atraídos pola música jamaicana e a súa cultura en torno ao ano 2000, pero non é ata 2004 cando Nivel Canelow funda o colectivo, co que empeza a cantar por diversos festivais por boa parte do territorio nacional.
A mediados de 2005, e despois dalgunhas colaboracións co grupo, Donpol entra a formar parte del.

Jay-Jay Johanson converteuse nun artista para seguir de maneira instantánea, cando debutou nos noventa coa dupla formada por ?Tattoo?  (RCA, 96) e Whiskey (RCA, 98), nunha sensación confirmada pouco despois grazas ao magnífico Poison (RCA, 00). O sueco publica agora novo disco de estudo, dous anos despois de Kings Cros (29 Music, 19) e selando unha referencia que significa unha continuación lóxica daquel.

Con Fuel Fandango non fai falta explicar demasiado, porque acertaron escollendo un nome que explica perfectamente o que fan. O Fuel póñeno o soul, o funk, o rock ou o electro, e o Fandango o toque de flamenco que pon Nita, quen ademais demostra en cada concerto un carisma sobre o escenario co que manexa ao público como quere. A outra metade é Alejandro Acosta. El é produtor de discos como Antónimo de Rayden  ou Con otro aire de Chambao  e, evidentemente, de todos os de Fuel Fandango.

Koko-Jean & The Tonics proponvos o mellor de catro mundos musicalmente distintos nunha soa bomba chea de Soul,ritmo e Groove. A banda está composta por Koko-Jean,  Anton Jarl, Victor Puertas e Dani Baraldés, catro dos músicos máis críticamente aclamados da escena  barcelonesa.

Cando somos bebés, e aínda non nacemos, xa bailamos. Bailamos nun líquido amniótico calentito que se balancea ao sabor da respiración e dos pasos da nosa nai. Despois cando nacemos, das memorias felices nace unha necesidade de continuar bailando. Por iso nosas nais arrólannos para acougar e adormecer. E nun chisco, os nosos pais descobren que comezamos a bailar ao oír unha música un pouco máis rítmica. Neste concerto imos bailar con músicas antigas do tempo intrauterino, pero tamén con novos sons que apelan a outras danzas

Con Martirio o universo sonoro da canción de sempre soa con virtudes de utensilio contemporáneo. Unha vez foi queixume sureño en compañía de Jarcha. Máis tarde, foi algo máis que respaldo para Quilo Veleno, e tivo, despois, os seus primeiros éxitos en solitario. E volveu recuperar o seu lugar privilexiado na canción co disco-libro Coplas de madrugá, que xa avanzaba que o que quedaba por chegar era extraordinario: a súa alianza co pianista gaditano Chano Domínguez.

O concerto Gran Torso pecha este ano a programación do Festival Resis de Música contemporánea da Coruña coa estrea en Galicia de JALONS, obra cume da vangarda europea do século pasado do compositor Iannis Xenakis.

As obras Erlantz de Ramón Lazkano e Tres pinturas imaxinarias de Alberto Pousadas soarán por primeira vez en Galicia, dando testemuño de dous dos mellores compositores españois da actualidade e con maior prestixio internacional.

Jazzliza é un proxecto da Big Band do CSM da Coruña coa dirección musical de Alberto Conde e un interesante conxunto de artistas invitados: Silvia Alonso, Xurxo Fernández e Nilaila, Bea García, Carmen Rey, Diana Tarín e Xurxo Souto.

Jazzliza: Galiza e o Jazz da man, enxertados neste espectáculo. Textos imprescindibles da poesía galega de sempre vibrando en clave de Jazz, en composicións orixinais directamente inspiradas neles e encarnadas na voz desa selección de intérpretes que expresan a variedade e a riqueza da actual creación musical entre nós.

Oîma é un trío de músicas para baile de tradición galega e europea formado por Antía Ameixeiras (violín), Olalla Liñares (clarinete) e Martiño Senande (acordeón diatónico). Presentan agora o seu primeiro disco, "Ala!", unha viaxe no tempo e no espazo, unha reivindicación da música instrumental. 

Rulo e a Contrabanda é un grupo de música español creado en 2010 por Raúl Gutiérrez, máis coñecido como Rulo, tras abandonar A Fuga. Grupo que fundou e liderou nos seus mellores anos, compoñendo todos os seus temas e abandonándoo tras diferenzas con algún dos seus compoñentes.