Concerto

Queremos que volvan as melodías, queremos que volvan os petiscos, queremos que volvan os reencontros baixo o ceo aberto e queremos desfrutar con vós das mellores noites do ano: as noites de noitiNHas!

Convidámosvos á unha nova edición do ciclo máis esperado que maridará para vós na súa 4ª edición a excelencia musical con sesións picadiscos e concertos en directo ao aire libre, xunto a mimadas elaboracións gastronómicas da man de Cervezas Alhambra para transformar as veladas no NH Collection Santiago en experiencias únicas e irrepetibles coas que gozar cos cinco sentidos!

Case como unha elexía que levita entre harmónicos, aire e arpegios, Antía Muíño chega ao óso nada máis emitir o primeiro son que deixa caer en «Carta aberta», o seu primeiro single; á vez que parece presaxiarse que estamos ante a nova gran musa da canción cantada no idioma de Rosalía de Castro.

O próximo 15 de maio a Sala Rebullón cumpre 4 anos de programación. Para celebralo contaremos con Ith de Xanceda, e The Broke de Moaña, duas das bandas galegas de rock& roll que máis nos sorprenderon nos últimos anos. Por iso, queremos agasallarvos con estes dous concertos!! Podedes recoller as vosas invitacións na Cantina as pedriñas ou reservalas enviando un mail a reservasrebullon@gmail.com indicando no asunto IV Aniversario e deixando un teléfono de contacto.

Airiños da Freba somos unha asociación cultural dedicada ao estudo, recolleita, investigación e divulgación da música tradicional da provincia de Lugo. O sexteto Airiños da Freba é un dos froitos deste traballo. 

Para nós, a palabra freba, en contraposición á normativa febra, identifícanos coa provincia de Lugo. E, cando a aplicamos ás persoas, facémolo como sinónimo de coraxe, de bravura e valentía. Por iso, a xente comprometida coa nosa música e cultura tradicional considerámola xente frebuda. 

Música Medieval en Camiño xorde da necesidade dunha posta en valor do patrimonio cultural, literario e musical. Nesta proposta, as cantigas medievais preséntanse como medio de divulgación a través do cal dinamizar espazos e redescurbrir a lingua galega propia da orixe do Camiño, servíndose deste como vínculo entre turismo e historia local.

A soprano Loli Crespo e o pianista Alejo Amoedo exploran neste disco os xéneros da balada galega e a zarzuela galega, nun percorrido histórico que, desde os románticos Juan Montes ou José Castro “Chané”, chega á produción contemporánea da compositora María Mendoza.

O vindeiro sábado 15 de maio, ás 20.30 h, na Sala Arcos Moldes do Auditorio de Rianxo, a soprano Loli Crespo e o pianista Alejo Amoedo presentan Saudades d'alborada en concerto: Baladas e zarzuelas galegas, dentro do Programa de Música de Cámara - IV Ciclo Novos Intérpretes da EMR e o Concello de Rianxo 2021.

Con motivo do Día das Letras Galegas, a Secretaría Xeral de Política Lingüística e a Fundación Paco Lareo organizan un concerto para os máis pequenos da casa. Trátase dun espectáculo do coñecido músico infantil Pakolas, que acompañará as súas cancións con contos e as ilustracións en directo de Laura Romero. Esta é, pois, unha proposta mulitidisciplinar para todos os sentidos que nos achegará a historia de Ramona Órbita, unha labrega que posúe unha horta cibernética con patacas automáticas e mais unha máquina do tempo coa que podermos viaxar ao futuro.

Concerto de música rock con temas orixinais en castelán e galego. 

O dúo da Pequeña Gran Compañía é unha mestura cultural entre a música Arxentina e a Cubana. No seu repertorio poderemos escoitar tan diversos xéneros como pop, baladas, rock español e internacional. Música ideal para cantar e emocionarse da man de dous grandes músicos: Sergio Ariel e Amor Herrera. Música e voz en directo con humor nun espectáculo orixinal e sempre diferente.

Greenwater é unha banda formada por músicos vigueses amplamente rodados noutras bandas que decidiron axuntar a súa experiencia e gustos musicais para conseguir un son limpo e puramente americano, creando un autentico “Revival” da mítica banda de rock “CreedenceClearwater Revival”.

Para iso contan con Paco Araújo (batería e voz), Alberto Lopo (baixo e voz), David A. F. Lemos (guitarra solista) e David Seco (voz solista e guitarra) cuxa forza vocal e acompañada polos impresionantes coros de Lopo e Araujo lembra ao mítico líder “da Creedence” John Fogerty.