Concerto

O dA trio volta á carga cun novo disco cunha nova formación e cun novo espectáculo que non deixará a ninguén indiferente.

Uxía, Germán Díaz e Sèrgio Tannus únense nun espectáculo musical que pretende mostrar toda a beleza das músicas -históricas e imaxinadas- da tradición musical dos Camiños a Santiago.

A música de Loba Branca está inspirada na música tradicional galega e noutras influencias tradicionais celtas, que se unen á linguaxe habitual da música de Brais González: ritmos complexos, texturas ambientais e fusión coas músicas de tradición oral e as músicas populares urbanas.

Momentos Alhambra. Acustiquísimos 2024.
Momentos Alhambra Acustiquísimos celebrará a súa sétima edición coa complicidade dalgunhas das voces con máis carisma da nosa escena. E o fará deixando o mellor sabor de boca, xa que a gastronomía será, de novo, outra das grandes protagonistas da cita, da man dalgúns dos chefs Alhambra máis recoñecidos de Galicia, que prepararán os seus persoais aperitivos para degustar en cada un dos concertos en vivo. 

Mudar a pel é unha obra na que as imaxes, os sons e a palabra son os vehículos para transmitir á audiencia aspectos da sociedade actual que son obxecto tamén da investigación antropolóxica. Esta singular peza será interpretada polos seus creadores, a profesora e investigadora Mari Luz Esteban, o musicólogo e gaiteiro, Llorián García, e o historiador e artista sonoro, Andrés Rodrigues o 18 de outubro dentro do ciclo Ópticas contemporáneas 2024 da Cidade da Cultura.

A Real Filharmonía de Galicia pecha o ciclo Ópticas contemporáneas 2024 da Cidade da Cultura o 16 de novembro cun concerto especial no que interpretará, baixo a dirección de Baldur Brönnimann, a obra The Four Seasons Recomposed, de Max Richter. O famoso compositor británico-alemán reimaxina neste peza As catro estacións de Vivaldi desde unha aproximación minimalista que combina instrumentación clásica e electrónica.

Benvidos ao “Quen está aquí? tour”, unha xira para quen non saiba que artista preséntase este ano con máis forza que nunca…. Lucho RK trae moitas sorpresas para esta nova volta a España, na que vai poñer as cartas sobre a mesa para quen o coñecía e para quen non.

"Será pola roibén que aínda me sinto a salvo" (Antía Otero)

Vou atravesando etapas, dando paso a novos horizontes, sen esquecer que a vida vivida existiu e persiste en min.

O meu son muda ao longo do traxecto ,como muda o concepto de horizonte ao longo da historia. 

O horizonte foi límite, equilibrio entre o aquí e o máis alá, realidade , ensoñación, espiritualidade, utopía…

Silforiña é o novo espectáculo de Golfiños, un concerto agarimoso e cheo de emocións que combina a música e a narración. A historia de Silforiña é a historia dunha nena que mira a vida a través da súa fiestra. Dende a súa casa, Silforiña, soña coa vida e imaxina a cantidade de emocións e historias que pode atopar fóra:  unha viaxe en barco, mergullar na bágoa dun poema, asustarse co ouvido dun lobo ou mexerse no luar dunha noite máxica. Serán as cantigas dos Golfiños as que axuden a Silforiña a perder o medo e facer o seu propio camiño?

Cunha linguaxe propia, o dúo formado pola cantante Gloria Pavía e o baixista Rafa Morales tráenos un repertorio formado principalmente por temas orixinais, arranxados para voz e baixo eléctrico, unha mestura que xera un diálogo entre os instrumentos e que ofrece tanto momentos intimistas como intensos grazas ao xogo de timbres e ás diferenzas na creatividade de cada un. 

No salón de actos. Entrada libre ata completar a capacidade da sala.