La Toñi, artista viguesa coñecida por ser a voz e líder do grupo pop Dalsi, transfórmase en solitario cunha proposta entre o europop e o synthpunk na que a tristura se baila. Temas que falan de amor, de resacas emocionais e que celebran a amizade forman o seu primeiro EP, M D Amor <3, editado en cassete en 2024, no que atopamos influencias de artistas como Crystal Castles, HEARTSREVOLUTION, Strawberry Switchblade ou CSS.
Desde Berlín chegan á Praza central do Gaiás Melodiam, un dúo formado polas pontevedresas Almudena e Carlota. A súa é unha proposta electrónica e urbana con letras vitalistas que coida ao detalle a dirección de arte, a producción e a composición dos seus temas para construír un imaxinario persoal que toma inspiración de melodías globais. Bótalle un ollo a calquera dos seus vídeos, como Baby Girl ou o seu último single SERÁ M3JOR.
Como xa é tradición, o escenario de Atardecer no Gaiás acollerá as propostas gañadoras na modalidade de música do certame Xuventude Crea 2024, co que a Xunta de Galicia premia o talento creativo máis novo.
Sintetizadores e melodrama son as marcas da casa de Futurachicapop, unha das voces máis orixinais do pop actual. Himnos contaxiosos e confesionais nos que o amor, o desexo e a nostalxia son material para o baile e a autoafirmación queer. Literatura Romanticofestiva é o título do seu último traballo, unha reinterpretación e homenaxe ao pop chicle dos 2000s que xoga co eufórico e o melancólico para demostrar que o romanticismo segue vivo.
Odaiko percusión
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo.
Catro son os elementos que definen este concerto didáctico é familiar, que busca que o enxeño se retroalimente e evolucione, e que a senda da creación continúe a medrar.
"Con iAlma" é un espectáculo de baldas e boleros, de sona e recoñecidos, de sempre que agochan unha historia real de vida nas súas letras ou na súa música, versionados para piano e voz.
Neste acústico pretendemos sentir a música dunha maneira máis íntima, e trasladalo dun xeito sensible ao noso público. Queremos narrar vivencias, historias reais, cantadas e contadas, dende a ialma.
Gold and Colt, son un dos principais referentes do folk americano en Galicia, a súa música é unha mistura entre o Delta Blues e o Country que faranos viaxar o outro lado do Atlantico. O sonido dos seus enerxicos concertos non deixará indiferente a ninguén.
Na actualidade os compoñentes da banda son: Álvaro Vázquez (guitarra e voz), Roberto Fernández (guitarra, dobro, cigar box, coros), Juyma Estévez (contrabaixo, coros) e Noli Torres (batería)
ABRIL fado atlántico (fado e outras músicas atlánticas)
Abril Fado Atlántico e un Proxecto musical de fado nado en ferrolterra no ano 2007 con carácter aberto, onde teñen cabida músicas como o tango, o choriño brasileiro ou músicas puramente clásicas, sempre co a instrumentación típica de fado portugués.
Daniel Adzemian, (guitarra portuguesa) guitarrista arxentino e o líder do proxecto no que resaltan tanto os seus arranxos como a súas composicións.
DANI ROYO BANDA
Son 10 anos de carreira musical na que conseguiu facerse un oco no panorama, sendo un dos músicos con maior recoñecemento en Galicia e un dos artistas con máis proxección en Madrid
Coa paixón e dedicación que o fai, consegue unha contundente posta en escena innovadora, caracterizándose polo seu potente directo e a súa forte conexión co público.
Louband é unha formación musical nacida en Sarria no ano 2017. O noso estilo musical inclúe versións de clásicos musicais tanto en galego como en castelán. Entre os estilos musicales destacan o Ska, reggae, cumbia, pop e rock. Todos as versións están arranxadas por nós mesmos dando protagonismo ás voces e aos ventos da formación. Do repertorio en galego destacan versións como "O Tren" de Andrés do Barro, "Quen puidera Namorala" de Celso Emilio Batallán así como tributos a outros grupos galegos coñecidos como Lamatumbá, Siniestro Total ou Heredeiros da Crus.
