Co rap insumiso como bandeira, Rebeliom do Inframundo, posúen un dos directos máis enérxicos do panorama musical galego, con 3 cd's autoeditados as suas costas e umha incansable traxectoria, as letras máis insumisas da Galicia sobre o son das rúas.
Integrantes: Nervo (voz), Malvares de Moscoso (voz), Frank (voz/produción), Movementss (produción) & Ichi (dj)
O cuarteto coruñés é unha unha banda de Punk Rock melódica cun moi bo son e varias sorpresas no desenvolvemento dos seus temas. A súa nova obra titúlase Turn up the Sneakers. Wasted Wiltons nace en 2017 na Coruña, formado por Gon, Chipo e Doval. En marzo de 2018 publicaron o seu primeiro traballo «Blurry Memories«, un EP de cinco temas de punk rock en acústico gravado na Cortina Vermella.
O Funeral das 10 Almas anuncia o novo traballo da banda asturiana de metal Sound of Silence.
Despois do noso Amor á Agonía (un mini cd composto por tres temas e a reedición do seu primeiro traballo), SOS realizan o seu disco máis arriscado, versátil e cheo de influencias clásicas e modernas. Con temas como "O comezo dun triste adeus", "Martir da conciencia" ou "A
resurreción das 10 almas" O Funeral das 10 Almas é concibido como un disco conceptual.
A banda formouse no ano 2004 polo actual vocalista e baixista Paul Castle e o guitarrista Cesar Strings quen fora compañeiros na banda Warprophecy. A eles uniuse o baterista Miguel Ochoa quen xunto co teclista Edwin Mantilla deron inicio á banda que no mesmo ano gravou e lanzou o seu primeiro sinxelo chamado "Inner Messiah".
TOXO é un patada nos dentes, un son tremendamente potente, unha voz moi persoal, e unhas letras que poñen patas para arriba todo o establecido. Este grupo de orixe galega e integrantes de 3 países, creceu baixo a influencia das grandes formacións ?power trío? do Hard Rock, Heavy Metal e Rock&Roll. Toda unha dose de enerxía e experiencia encima do escenario, fan de TOXO unha aposta segura se o que queres é un concerto para non parar de saltar.
Formados na Coruña en 2013,os seus membros,procedentes doutras coñecidas bandas da cidade como Come Back from the Dead,Maisha,A Hydra etc céntranse en Arsian para compartir as súas influencias Thrashmetal/HCpunk/Crust/D-beat.
Ambigüo é unha banda española, da Coruña (Laracha/Carballo) de Indie, Pop, Rock formada polo vocalista Pablo Cadrado, os guitarristas Fredy Besteiro e Dave Hernández, o Baixista Suso Vilar, e o baterista Sebastián Fariña. Nace en 2017 cando Pablo e Fredy, amigos coruñeses que se perderon a pista hai anos, volven atoparse por casualidade en Laracha, onde ambos residen. O primeiro, carteiro rural, afeccionado á poesía e apartado do movemento musical desde hai anos (A Lenda), e o segundo, músico vocacional guitarrista de numerosas bandas (La Torre Blues Band, The Majestics, Stoner Hill).
Bo Derek´s son un bandón, así de claro. E só cabe esperar que este proxecto non sexa algo puntual e decidan seguir adiante. Porque se o seu primeiro disco, editado por Family Spree xa é bo, o seu directo é humillante. Eramos poucos, pero como o pasamos. Divertidos, intensos, ruidosos, crus. Se o teu é o garage, o rock and roll, o pub rock ou calquera das súas ramificacións, aquí tes o teu grupo. E o mellor é que o seu disco, ao nivel do publicado este ano polos Deltonos ou Os Fusís (de momento o meu triunvirato de música en castelán) dá só unhas pistas do que son en directo.
Vibora son unha banda de Post-Hardcore de Euskal Herria. A banda publicou recentemente un videoclip para un single de cara ao lanzamento de «Botánica». Rodouse en xaneiro de 2021 en diferentes puntos de Euskal Herria e serve de apoio estético e visual á canción e ao imaxinario artístico do EP.
O disco de debut dos madrileños constaba dunha decena de temas incluíndo a versión de Cockey Rejects Beginning of the end. Para a portada unha das imaxes enraizadas en Madrid que mellor transmiten a idea de afastamento da graza ou protección divina, do bo facer ou o camiño correcto: a estatua do Anxo Caído que está no Parque do Retiro. Strike Back conectaban así igualmente coa idea do Angels with dirty faces uno dos lugares comúns máis habituais do Oi! británico desde que Sham 69 compuxese unha canción co devandito título. Editáronse 300 copias en vinilo, 100 en cor azul e 200 en negro.
