Concerto

A banda folk Os d’Abaixo fórmase no 2010 por músicos de dous dos grandes referentes da música en Galicia: Berrogüetto e Fía na Roca. Este 2020 celebrou 10º anos nos palcos no seu mellor momento artístico. O seu primeiro disco foi gravado en directo no Festival Interceltique de Lorient, sen moitas pretensións, como era na realidade a banda, nacida co fin de amenizar os bailes folk da súa cidade. Pero a aceptación foi tal, que comezaron a xirar por festivais e festas tanto de Galicia como de fóra.

Cuchillo de Fuego móvense en parámetros musicais próximos ao hardcore en canto á súa rabiosa base guitarrera de alento punk e textura noise/post-hardcore (leáse Melvins, Jesus Lizard?). No caso do cuarteto pontevedrés a súa proposta condénsase en temas de menor duración, afiados, duros e densos como o sílex e envoltos nunhas letras incendiarias, lúcidas e tamén divertidísimas, escritas sobre papel de lixa.

 "Un Novo Espertar" é o primeiro traballo de estudio da banda CUARTA XUSTA, banda afincada entre A Golada (Pontevedra) e Melide (A Coruña). Este carácter de raianos dentro da propia Galiza nótase na sua música cunha proposta que raia o rock co ska e co folk.

Carolina Rubirosa é unha das compositoras e cantantes máis prometedoras de Galicia.

Compartiu escenario e traballos discográficos con artistas como Coque Malla, Miguel Ríos, Javier Gurruchaga ou Andrés Calamaro. Grabou coa Real Filharmonía de Galicia e resultadou gañadora en varios concursos, como "Revolution Unplugged" de Europa FM ou "Sonidos Mans 2019".

Recentemente foi seleccionada para representar a Galicia no Festival Liet International de Dinamarca,  e o pasado novembro actuou no stand español do WTM de Londres.

Belém Tajes é unha das voces de referencia da canción de autora en Galicia. Cantante, compositora e especialista en musicoterapia, comezou a súa traxectoria tocando e cantando en agrupacións tradicionais, aprendendo tamén dos cantares das súas avoas, naturais de Arou, Camariñas.

Vudú son letras chegadas da música tradicional galega con armonías fundamentalmente Soul e R&B. Vudú é unha música íntima, elegante para grandespequenos momentos.

Cantante, compositora e especialista en Musicoterapia.
Comezou tocando e cantando en agrupacións tradicionais e aprendendo tamén das cantigas das súas avoas, naturais da aldea de Arou, Camariñas.

Estudou violoncello no Conservatorio da Coruña e tamén gaita, na Escola de Música de Oleiros e no Conservatorio de Carballo.

 Un espectáculo en el que se recuerdan temas de swing, jazz o dixie de los años 20 a 50 en donde todo el mundo puede formar parte del show

Battosai somos Héctor, Nolo e Roque, tres millennials aos que lles gustaria ter pertencido á Xeración X. Asi, cansados de vivir neste mundo en Alta Definición compramos un Delorean na Deep web co obxetivo de viaxar no tempo para traer do pasado a música da nosa infancia.

Mediante composicións propias plasmamos o sonido de bandas de rock dos 90 como son Smashing Pumpkins, Nirvana ou Soundgarden, pero cun prisma máis actual. Unha boa dose de muros de guitarras e de melodias desgarradoras, á vez que pegadizas, que crean o ambiente perfecto para letras de carácter existencial.

Coñecedores da súa absoluta falta de talento e charme, estes catro chaíñas viron a luz cando decidiron montar unha banda de rock para ver se así chegaba algo de sexo ás súas tristes vidas. Apañando discos dos Suaves, Pixies ou The Clash da colección dos seus irmáns maiores, tentaron a nobre arte do plaxio “creando” as súas propias cancións, inequívocas mostras de morro e torpeza. E coma quen fai un cesto fai cento, estes carallos revirados comezaron a dar concertos sen esquecer que o rock and roll, o de verdade, ten dous grandes segredos:

a) Pasar POUCO polo local de ensaio