Chega a Vigo BELIEVE, o único tributo a Cher en España, na sala MasterClub o 10 de xuño ás 22.30
Moitas estrelas do Pop veñen e van, pero só Cher mantívose durante seis décadas como A Deusa do Pop.Believe é un espectáculo musical da súa historia , onde poderás escoitar todos os seus éxitos cunha banda de músicos en directo . Non poderás deixar de bailar e cantar!
Segmento Cantábrico é o primeiro traballo da artista de Vilaronte (Foz), voz de Marful e Nordestina entre outras formacións musicais asinado por ela co seu apelido, A Canteira. O disco, de folk progresivo, aúna formas tradicionais do litoral cantábrico con outros sabores da world music europea e do folk americano. Letras, poemas da propia Pedreira, do pintor-poeta vigués afincado en Londres Enrique Gavilanes, as Follas Novas de Rosalía de Castro, da poeta do Vol de Lourenzá Mariña Oural, de Carvalho Calero e Xela Arias forman parte deste álbum.
CHEKAN son unha banda de coruñeses que practican Latin Rock setenteiro, a súa gran intensidade en directo vai directo ao peito, mentres pernas e mente non poden deixar de bailar.
A plataforma cultural KmC de Estrela Galicia regresa a escena presentando un ambicioso programa musical para animar as terrazas coruñesas durante toda esta primavera. A cervexeira anunciou un calendario de 27 novas citas musicais na cidade da Coruña con nomes como Astrogirl, True Mountains, Os Mecánicos ou Silvia Penide, entre moitos outros.
Venturi, a banda madrileña de indie rock, chega á sala Doppler de Vigo o próximo mes de outubro para ofrecer un concerto en directo.
A banda está formada polos músicos: Daniel Durán (voz e baixo), Lucas Olazabal e Jonás Batuecas (alternando guitarra e batería).
Tugores é o proxecto musical do guitarrista e compositor mallorquino Jaume Tugores xunto a David González. Nos seus traballos destacan sempre a beleza, a sinxeleza e a emoción das súas melodías. Nesta ocasión ofrecerán un concerto a dúo de saxo e guitarra no que interpretarán unha selección de temas de toda a súa discografía.
Boreas é un proxecto centrado na revisión, a través de arranxos orixinais, de cancións que forman parte da cultura popular e foron fortes influencias para os seus compoñentes. In my Life dá nome a un disco no que nos atopamos 8 obras mestras de The Beatles tratadas desde o prisma duns músicos habitualmente inmersos no terreo do jazz e a improvisación.
Devayu é o novo proxecto de Álvaro Vieito. Unha sesión de estudo rexistra un fresco repertorio de cancións orixinais compostas para esta formación. Un novo lugar inspira melodías que evocan cheiros, gamas de cores e sensacións difíciles de expresar con palabras pero quizais non tanto con música.
Samuel Leví celebra 25 anos sobre os escenarios acompañado por algúns dos seus «nenos perdidos», eses músicos que foi colleitando nas súas viaxes ao longo dos anos. O concerto será gravado en DVD e contará ademais de con un variado elenco de músicos, cun selecto grupo de artistas invitados para a ocasión.
Escola de Odio é un grupo de hardcore punk con algunhas cancións en castelán e outras en idioma asturiano. Orixinarios de Asturias, comezan a súa andaina polo panorama musical no ano 1993.
A banda viguesa Txuvasco deixa claro no seu nome que tipo de música é o seu e sobre todo a súa actitude ante a vida. Tras un pequeno parón volven agora a retomar o traballo con máis ganas que nunca.
