Os vigueses Maldito Murphy presentan os temas do seu novo disco titulado "Horizontes", publicado en novembro de 2021. Nel, afástanse dos sons country para achegarse ao pop rock e contan coa colaboración de Mikel Erentxun.
Para celebrar o Día da Música, este mes de xuño queremos facervos bailar. E quen mellor que Ortiga, o responsable de renovar o espírito da verbena galega a golpe de autotune, guitarra e secuenciadores, para facernos menear o bullarengue.
Ultrafónicos, é unha banda de Pop-Rock que fai versións de éxitos, desde os inesquecibles anos setenta ata os temas que soan na actualidade. Nace no ano 2017 da paixón pola música dos seus integrantes. A formación está composta por ?Sonia á voz e guitarra, Victor á guitarra, Fernando ao baixo e José á batería e percusión. Os catro membros da banda suman a súa experiencia en anteriores bandas para facer un espectáculo de máis de 2 horas de duración.
José María Guzmán estivo sempre influenciado pola música pop británica e americana. Desde a súa mocidade, conxuga os seus estudos de bacharelato con grupos en directo cantando e tocando o baixo. Aos 19 anos é músico de gravación. Alí coñece a Rodrigo e deciden facer un grupo, «Soleira» baixo o selo de Hispavox, e un ano despois reafírmanse como ?Canovas, Rodrigo, Adolfo e Guzmán (Señora Azul, 1974). Nesa época tamén participa na gravación do musical ?Godspell? representado no Teatro Marquina e como actor no musical The Rocky Horror Show no Teatro Martín.
Álvaro Ruiz é un compositor Sevillano, guitarrista e cantaor de trincheiras. Durante máis de 7 anos desempeñouse como guitarrista do Kanka. Hoxe presenta a súa segunda produción discográfica en solitario, unha nova proposta sobre a canción de autor que mestura a tradición flamenca, músicas latinoamericanas e harmonías do Jazz.
Will Jacobs posúe unha extensa carreira como guitarrista de Blues, aprendendo dos máis grandes da escena de Chicago e tocando entre outros moitos artistas con: Linsey Alexander Blues Band, Toronzo Cannon, Shemekia Copland, Sharon Lewis, Mike Wheeler Band,.. . Destaca pola súa sutileza e gran dominio das seis cordas, ademais de ser un gran compositor está dotado dunha bronceada voz que lle permite deslizarlle sutilmente entre o Blues e o Soul.
O trío é unha das formacións que brindan máis liberdade aos músicos nos campos da interpretación, expresión artística e comunicación, permitíndolles conseguir unhas cotas de enerxía e emotividade por encima do habitual. Ao mesmo tempo este formato resulta altamente desafiante pola súa dificultade, xa que como se adoita dicir, canta máis liberdade, maior responsabilidade.
É por isto que se fai necesaria a participación de músicos con gran mestría, experiencia e creatividade, como é o caso destes tres grandes músicos cos que temos sorte de contar no panorama galego.
O estilo musical de Suevia está influenciado polo Rock dos 70´s e 90´s, con composicións propias con temática comprometida e sen deixar de tocar ao amor e á tolemia.
A banda fórmana Susi (voz) e Anastasia (guitarra) con composicións orixinais ás que se incorporan Myriam (batería) e Fati (baixo). Así nace Suevia.
En 2021 lanzaron o seu primeiro disco Luces e sombras baixo a produción de Myriam Cortizo, no que presentan singles como Princesa, En silencio, Girls like me, Volando, I´m mad, Luces y sombras, Tiempo ou Who I am?.
O guitarrista francés Wilfried Wilde, fincado en Galicia, dará un concerto en Vigo en formato de trío. A formación experimenta un amplo espectro de posibilidades sonoras con composicións orixinais fortemente marcadas polo jazz, rock ou a música clásica, influenciadas por diferentes estilos como o Jazz moderno (Kurt Rosenwinkel, Brad Mehldau) á música romántica e simbolista (Serguéi Rachmaninov, Claude Debussy).
Os navarros Chill Mafia gañáronse ao público vasco con referencias e a súa actitude punk. Os seus temas non escaparon á polémica. Neles falan das drogas ou de ETA intercalando barras en castelán e en eúscaro.
Chill Mafia, é moito máis que unha banda de música; é un gran colectivo, unha cuadrilla de amigos de Pamplona que reune a produtores, cantantes, DJs, Mcs, diseñadores e graffiteros, e que puxo patas para arriba o panorama euskaldun.
