Clásica

O retrato é un xénero pictórico no que se pretende representar a apariencia visual  dun suxeito, ben sexa un ser humano, un animal ou un lugar determinado.

Moitos son os compositores que se apoiaron neste xénero para crear música a partir de pinturas existentes, pero tamén son moitos os que crean un cadro sonoro a partir da súa propia inspiración e do seu sentir sobre o obxecto a representar.

Neste programa escoitaremos algúns deses retratos sonoros inspirados en lugares, xentes do cotiá, artistas senlleiros, personaxes mitolóxicas e históricas.

Nesta nova etapa este dúo transfórmase nun inusual e potente cuarteto xunto a dous grandes músicos do panorama do folk internacional. Únenselles Jaime Muñoz (A Musgaña) e Natalie Haas (Alasdair Fraser & Natalie Haas), para explorar un repertorio máis extenso con pezas, ademais de melodías de Valladolid, Segovia ou Burgos, da comarca de Sanabria en Zamora, temas de gaita e tamboril de Salamanca, cantigas da zona de Campoo en Cantabria, composicións propias e mesmo algún tema do leste de Europa.

Charo Quicler estudou canto no Conservatorio Superior da Coruña e posteriormente ampliou os seus estudos en Madrid, sendo elixida por Montserrat Caballé para participar como alumna activa nas súas clases maxistrais.

O feito de constituír a única misa de defuntos do seu extenso catálogo, de ser o seu último opus, inacabado (por mor do seu falecemento) e as misteriosas circunstancias que rodearon o seu encargo e composición, edificaron a lenda e a fascinación que o Réquiem de Mozart continúa exercendo nos nosos días.

O misterio envolve a penúltima das sinfonías de Mozart, a 40ª Sinfonía; descoñécese en que circunstancia, con que motivo ou para que personaxe foi escrita, e ignórase se Mozart chegouna a escoitar en vida.

A Orquestra Sinfónica de Pontevedra protagonizará o próximo 12 de marzo de 2023 ás 19 horas, no Pazo Dá Cultura de Pontevedra, un concerto moi especial denominado Mulleres e Inspiración baixo a batuta de Renata Oliveira.

Unha proposta de programa que reúne no seu eixo central a promoción da muller e as súas profesións relacionadas coa música. Dar visibilidade a unha profesión que sempre foi exercida por unha maioría masculina desde a antigüidade.

O propósito deste concerto é, como o seu título indica, rachar o silencio no que estiveron sumidas as compositoras, a través dunha selección de obras escritas entre a segunda metade do século XIX e a primeira do s. XX. 

Unha directora nova, a inglesa Sian Edwards, dirixe un flamante concerto para arpa de Catrin Finch (que se estrea en España) interpretado por Alba Barreiro, nun programa que xunta as terras gaélicas de Galicia e Gales -música do galés Alun Hoddinott, e a sinfonía gaélica de Amy Beach-, coa primeira sinfonía dunha muller estadounidense.

Achégate a gozar da música en directo na Biblioteca Ágora e aproveita para botarlle un ollo á selección de música!

O ciclo de concertos "En clave de Á" naceu como unha colaboración entre a Asociación de Estudantes do Conservatorio Superior de Música da Coruña e a Biblioteca Ágora para ofrecer a música de solistas e grupos de cámara do CSM nun espazo diferente.

Con esta colaboración queremos dar a oportunidade ao alumnado de que ensaien o seu repertorio con público real e ás nosas usuarias e usuarios de que gocen do espectáculo da música en directo entre libros.

Concerto de música polifónica interpretada polo Coro Diapasón de Ferrol, e o Coro da Gaiteira. O repertorio comprende desde versións de música galega interpretada a catro voces, ata música culta de compositores contemporáneos de Galicia e do resto do mundo.

A afinación a 430 Hz foi quizás a primeira baseada en estudios científicos e é coñecida como a afinación filosófica ou científica, por basearse na conveniencia matemática da mesma. Pero esta corrente, a pesar do seu corpus teórico, nunca obtivo o recoñecemento oficial que na época (S.XIX) si acadou o 435 e que se estableceu como ton internacional na conferencia sobre o ton de Viena de 1887.