Dentro do mini festival adicado a Beethoven no comezo da temporada, a Real Filharmonía de Galicia ofrece a primeira sinfonía do compositor alemán dirixida pola principal directora convidada, Joana Carneiro, da man dun concerto de acordeón do gran Richard Galliano interpretado pola solista galega Helena Sousa Estévez.
A Real Filharmonía de Galicia celebrará o regreso tan agardado do gran pianista e compositor turco Fazil Say e no que se escoitará a estrea española da súa peza A mansión andante. Despois, Fazil tocará o fermosísimo concerto de Mozart en Do Maior núm. 21 e, a seguir, a orquestra interpretará unha das nosas músicas favoritas, a 7ª Sinfonía de Beethoven. Para garantir unha nova versión destas icónicas pezas conviadamos a un director cun gran futuro, Can Okan.
Dende Escocia, a histórica banda Capercaillie, pioneira do renacemento da canción gaélica, protagonizará un dos grandes concertos desta edición do Festival Maré. Con máis dun millón de álbumes vendidos en todo o mundo e a exquisita voz de Karen Matheson no centro desta formación, a Capercaillie Symphonic unirase á Real Filharmonía de Galicia baixo a dirección de Paul Daniel no espectáculo inaugural do festival, que volve a Compostela do 21 ao 25 de setembro.
As obras de Hosokawa (Xapón), Scelsi (Italia), Saunders (Reino Unido-Alemaña), Pousadas (España) e do galego Miguel Matamoro son cinco formas de achegarse á comprensión da música de vangarda. En cada unha delas, o son dos instrumentos parece conxelarse, insinuar que hai corpos que vibran con eles, que o espazo se forma alredor da vibración dos corpos.
A música como un espazo escuro que sostén xestos, imaxes, retratos. Un son que se volve tanxible como a carne e visible como as sombras. Cinco grandes lenzos que confunden o ollo co oído.
A compositora e multi-instrumentista viguesa Lucía Martínez chega ao Gaiás para presentarnos o seu último traballo acompañada por tres músicos e amigos ?João Pedro Brandão, Pedro Neves e Carl Minnemann? cos que forma Lucía Martínez Cuarteto, un proxecto froito da amizade nacido na escola de Jazz no Porto hai máis de 12 anos.
O repertorio que interpretarán nas Matinais Musicais de outono, reunido baixo o título Calma e algo máis, é unha homenaxe ao momento presente, un convite para pechar os ollos e a respirar, buscando ese acougo que enche a vida de luz.
Aruku- Camiñar abre as Matinais Musicais de outono da Cidade da Cultura transportándonos entre Xapón e Galicia. A fascinante voz de Ryoko Aoki, artista internacional que se desenvolve nun mundo fundamentalmente masculino, o do teatro Noh, ofrécenos a oportunidade de profundar nun estilo de canto único que forma parte dunha das manifestacións máis antigas e destacadas do drama musical xaponés. Ademais, a súa presenza en Galicia dará orixe a unha nova creación musical contemporánea para celebrar o irmandamento dos roteiros de peregrinación do Camiño de Santiago e o Shikoku Henro.
BANDA MUNICIPAL DE MÚSICA DE SANTIAGO
David Fiuza, director
Desde que apareceu Mickey Mouse por primeira vez na gran pantalla, os estudos de Walt Disney entretiveron a nenos e adultos de todo o mundo con algunhas das películas máis populares que se produciron, creando unha serie de cancións de éxito como Busca o máis vital, Hakuna Matata, Quero ser como ti e Cun pouco de azucre.
ORQUESTRA NACIONAL DE UCRAÍNA (YsOU) fundouse en 2016 por iniciativa da directora ucraína Oksana Lyniv. A súa idea foi apoiada por tres institucións asociadas alemás: Beethovenfest Bonn, Bundesjugendorchester Deutschland e Deutsche Welle. Propúxose e implementouse un proxecto único: as primeiras actuacións do equipo ucraíno recentemente creado levaron a cabo xunto coa Orquestra Xuvenil Federal Alemá. Mozos músicos ucraínos e alemáns tocaron xuntos en catro concertos en agosto e setembro de 2017 en Lemberg, Kiev, Bonn e Berlín.
António Oliveira naceu no Porto. Obtivo o bacharelato na clase da Prof. Sofía Lourenço na ESMAE. Estudou na Hochschule der Kunst de Berlín na clase do profesor Lazslo Simon. Obtivo o diploma "Master of Music" na clase do profesor Luiz de Moura Castro.
