A soprano turca Ezgi Alhuda ofrecerá, cun grupo de músicos da Orquesta Sinfónica de Galicia dirixidos por Massimo Spadano, un repertorio de lieder e cancións de cámara de Richard Strauss e Giuseppe Verdi. Organiza a Sociedad Filarmónica Ferrolana.
Montserrat Martí segue a herdanza da súa nai, a lendaria soprano Montserrat Caballé. Acompañada polo barítono Luis Santana e o pianista Víctor Carballo presentará en Ferrol un recital de ópera e zarzuela con fragmentos de obras de Giuseppe Verdi, Gaetano Donizetti, Gioachino Rossini, Wolfgang Amadeus Mozart, Fernando Obradors, Manuel de Falla, Manuel Penella, Gerónimo Giménez, José Serrano e Federico Moreno Torroba.
O clarinete solista da Filharmónica de Berlín, Andreas Ottensamer, tocará e dirixirá por primeira vez a orquestra nos seus propios arranxos de Mendelssohn Lobgesang e Cancións sen palabras, xunto coa primeira sinfonía de Chaikovsky.
Andreas Ottensamer, director e clarinete
O violinista Nemanja Radulovic volta despois de moitos anos coa Real Filharmonía de Galicia para tocar o virtuoso concerto para violín de Khachaturian.
Paul Daniel, director
Nemanja Radulovic, violín
Unha das directoras emerxentes do panorama musical, Nil Venditti, ofrecerá un programa con marcado acento italiano con obras de Louise Farrenc, Puccini e a Sinfonía “italiana” Felix Mendelssohn.
Nil Venditti, directora
A xenial frautista Silvia Careddu interpretará o Concerto da Malverrosa de Antón García Abril co pianista Juan Carlos Fernández Nieto baixo a batuta do mestre Paul Daniel.
Paul Daniel, director
Silvia Careddu, frauta
Juan Carlos Fernández Nieto, piano
Un talento emerxente como é o do director Diego Martín Etxeberría traerá coa Real Filharmonía de Galicia a obra de Georges Bizet cunha sinfonía que moi poucas veces se pode escoitar: Roma.
Diego Martín Etxeberría, director
O novo director ou directora titular da Real Filharmonía de Galicia estrearase neste programa con Alexandra Diarescu ao piano.
Novo titular, director/a
Alexandra Diarescu, piano
Unha directora nova, a inglesa Sian Edwards, dirixe un flamante concerto para arpa de Catrin Finch (que se estrea en España) interpretado por Alba Barreiro, nun programa que xunta as terras gaélicas de Galicia e Gales -música do galés Alun Hoddinott, e a sinfonía gaélica de Amy Beach-, coa primeira sinfonía dunha muller estadounidense.
Sian Edwards, directora
Alba Barreiro, arpa
A Real Filharmonía de Galicia interpretará tres novas pezas de estrea mundial, da compositora galega Carme Rodriguez -son novas orquestracións de cancións doutra muller que debería escoitarse moito máis, a compositora franco-irlandesa Augusta Holmès-. Serán cantadas por Natalia Labourdette, gañadora do concurso de canto da Asociación de Amigos de ópera de Santiago. No mesmo programa, Alban Berg, e a terceira sinfonía de Brahms, dirixida por Marc Leroy Calatayud.
Marc-Leroy Calatayud, director
Natalia Labourdette**, soprano
