Santiago de Compostela, 27 de maio de 2025
O presidente da Xunta, Alfonso Rueda, acompañado polo conselleiro de Cultura, Lingua e Xuventude, José López Campos, recibiu esta mañá en Monte Pío ao recente premiado no Festival de Cannes, Oliver Laxe. O director, guionista e actor galego recibiu este sábado pola súa película Sirat o Premio do Xurado, o terceiro premio máis prestixioso deste festival de cinema.
Santiago de Compostela, 27 de maio de 2025
O Centro Dramático Galego e a compañía Os Monicreques de Kukas estrean mañá mércores 28 ás 18,00 h. no Salón Teatro de Santiago de Compostela a coprodución O carteiro de Ximaraos, peza teatral para público familiar baseada na obra de Carlos Labraña gañadora en 2024 do Premio Manuel María de Literatura Dramática Infantil convocado pola Consellería de Cultura, Lingua e Xuventude, a través da Axencia Galega das Industrias Culturais.
Cedeira (A Coruña), 26 de maio de 2025
A delegada territorial da Xunta en Ferrol, Martina Aneiros, acompañada do director territorial da Consellería de Cultura, Lingua e Xuventude, Severino Álvarez, visitou esta mañá os traballos da última campaña de escavación arqueolóxica financiada pola Consellería de Cultura, Lingua e Xuventude no castro do Sarridal, en Cedeira.
Redondela (Pontevedra), 26 de maio de 2025
O director xeral de Cultura, Anxo M. Lorenzo, recibiu hoxe aos catro escritores que participan na primeira quenda da III Residencia Literaria Illa de San Simón. Trátase dunha iniciativa que promove a creación literaria en galego mediante unha estadía de ata dúas semanas neste contorno e da que resaltou o seu éxito “porque un ano máis volveuse a incrementar o número de solicitudes recibidas”.
A Coruña, 26 de maio de 2025
A Xunta de Galicia acaba de convocar ao Concello e a Deputación da Coruña para abordar conxuntamente o futuro dos murais de Urbano Lugrís, localizados nos números 25 e 27 da rúa Olmos. O encontro, que se celebrará o vindeiro mércores 4 de xuño na sede da Delegación da Xunta na cidade, dá cumprimento ao acordo aprobado por unanimidade no Parlamento de Galicia o pasado mes de abril para instar ao Goberno galego a iniciar un proceso de diálogo coas administracións implicadas.
BREVE SINOPSE de “ENCRUCILLADOS” (Comedia Negra):
Nunha noite de treboada, unha rapaza entra as agachadas no despacho dun profesor da universidade. El a descobre e, tras escoitar as estrañas explicacións da moza, decide instruíla no descifrado dos encrucillados crípticos polos que el é coñecido. A situación complicarase porque ámbolos dous ocultan as súas verdadeiras intencións.
Navia de Suarna (Lugo), 26 de maio de 2025
O conselleiro de Cultura, Lingua e Xuventude, José López Campos, acompañou onte o realizador galego Oliver Laxe na proxección especial de preestrea en Galicia do filme Sirat en Navia de Suarna, despois de ser recoñecido co Premio do Xurado no Festival de Cannes.
Santiago de Compostela, 24 de maio de 2025
O Porriño (Pontevedra), 23 de maio de 2025
O conselleiro de Cultura, Lingua e Xuventude, José López Campos, participou hoxe na colocación da estrela coa que o Festival de Cans homenaxea o cineasta compostelán Alfonso Zarauza, galardoado co Premio Pedigree de Honor polos seus 30 anos de traxectoria. A actual 22ª edición do certame que se celebra do 20 ao 24 de maio na localidade pontevedresa do Porriño, arrancou o pasado martes un programa que ofrece 120 filmes, 40 deles estreas en Galicia, e que conta co apoio da Xunta de Galicia para a súa celebración.
Vigo, 23 de maio de 2025
A Consellería de Cultura, Lingua e Xuventude destina 30.000 euros para apoiar as actividades da Asociación Évame-Oroza deste ano 2025 e, deste xeito, “fornecer aínda máis, desde o Goberno galego, a programación cultural de Vigo”. Así o salientou o titular deste departamento, José López Campos, na sinatura hoxe na cidade olívica dun convenio de colaboración co presidente desta entidade, Javier Romero, e na que estivo acompañado pola delegada territorial da Xunta, Ana Ortiz, e o director xeral de Cultura, Anxo M. Lorenzo.
