Santiago de Compostela, 24 de xuño de 2026

A Consellería de Cultura, Lingua e Xuventude lanza este 15 de xullo Noitear na Cidade da Cultura, unha nova proposta para vivir as artes escénicas con tres espectáculos nunha mesma noite de verán e ao aire libre. Cos espazos exteriores do Gaiás como grande escenario, nace este programa no que converxen a danza, a música, as acrobacias ou o teatro físico, con tres funcións que abraiarán ao público pola súa dramaturxia de risco, suspensión e confianza mutua.

Cangas de Morrazo (Pontevedra), 24 de xuño de 2026

O Centro Dramático Galego estrea na 43ª Mostra Internacional de Teatro Cómico e Festivo de Cangas dúas novas coproducións: Ensaio técnico, creación internacional co Colectivo 84 de Portugal coa colaboración da Escola Superior de Arte Dramática de Galicia e mais o propio certame cangués, e Ñiqui Ñaque, montaxe realizada con Espectáculos Valente a partir dun texto orixinal de Cándido Pazó. As dúas propostas Integran a campaña Para gustos, cultura posta en marcha pola Consellería de Cultura, Lingua e Xuventude.

Vigo, 23 de xuño de 2026

O conselleiro de Cultura, Lingua e Xuventude, José López Campos, destacou hoxe o compromiso da Xunta coa conservación dos bens eclesiásticos polo seu “alto valor artístico, cultura e histórico”. Fíxoo na apertura en VIgo das XLV Xornadas Nacionais de Patrimonio Cultural da Igrexa, que se estenderá ata o 26 de xuño ás cidades de Baiona, Oia, Tui e á lusa Valença do Minho coa participación de especialistas de toda España.

Santiago de Compostela, 23 de xuño de 2026

O Centro Dramático Galego contará para os seus proxectos da próxima temporada escénica 2026-2027 coa contratación de 35 actores e actrices, entre os que se atopan os dos dous elencos das súas vindeiras novas producións: Isto tamén é Sargadelos, a partir do texto de Ana Fontenla, e Eurídice, de Sarah Ruhl; así como os das reposicións de A serie clopen e Hamlet, que volverán ao encontro co público trala demanda suscitada polo éxito acadado nas súas representacións anteriores.

Ourense, 23 de xuño de 2025

Santiago de Compostela, 23 de xuño de 2026

 A Cidade da Cultura rexistrou este ano o mellor primeiro semestre da súa historia ao acadar as 120.000 persoas participantes nas actividades do Gaiás. Así o informou hoxe o conselleiro de Cultura, Lingua e Xuventude, José López Campos, na reunión do Padroado da Fundación Cidade da Cultura de Galicia, na que se deu conta do incremento de case un 20 % na asistencia á programación durante os seus primeiros meses do ano.

Santiago de Compostela, 22 de xuño de 2026

O Consello da Xunta aprobou hoxe as bases dunha nova convocatoria de subvencións do programa Territorio Cultura, a través do que en 2026 se destinarán 250.000 euros a futuros proxectos que sigan promovendo a actividade e o tecido cultural en áreas non urbanas. Trátase da cuarta edición desta liña de axudas, pola que se lles dará continuidade ás anteriores fases a través dunha medida que xa impulsou nos anos 2022, 2023 e 2025 máis de 40 proxectos arredor de distintas disciplinas artísticas en preto de 90 municipios das catro provincias galegas.

Santiago de Compostela, 22 de xuño de 2026

O Diario Oficial de Galicia publica hoxe o expediente de incoación para declarar Ben de Interese Cultural do patrimonio inmaterial o conxunto simbólico do Pico Sacro. Este procedemento ten un prazo de tramitación máximo de dous anos e implica que se poidan comezar a executar medidas de salvagarda das diferentes manifestacións inmateriais que se desenvolven no Pico Sacro, nos concellos de Boqueixón e Vedra.

Santiago de Compostela, 22 de xuño de 2026