Santiago de Compostela, 6 de novembro de 2024

Vigo, 5 de novembro de 2024

O director xeral de Cultura, Anxo M. Lorenzo, asistiu hoxe á primeira actuación do festival de Música con V de Vigo co que colabora o Goberno galego nesta segunda edición. Trátase dun ciclo de concertos de jazz e música clásica que se estenderá os días 6, 12 e 13 de novembro no Teatro Afundación, e que se suma á ampla oferta cultural para todos os públicos dentro da nosa Comunidade.

Santiago de Compostela, 5 de novembro de 2024

A Xunta de Galicia, a través da Axencia Galega das Industrias Culturais, colabora nunha nova Xornada de Promoción Escénica e Musical, organizada conxuntamente pola Asociación Galega de Empresas de Artes Escénicas (Escena Galega) e a Asociación Galega de Empresas Musicais (AGEM) para dinamizar a contratación de espectáculos producidos en Galicia.

Vigo, 4 de novembro de 2024

A Xunta de Galicia e a Deputación de Pontevedra reuníronse a tarde de hoxe en Vigo con membros do Instituto de Estudos Vigueses, dentro da liña de traballo aberta para a recollida de propostas e suxestións que permitan enriquecer o Plan de usos do Teatro Cine Fraga de Vigo.

Pontevedra, 4 de novembro de 2024

O secretario xeral da Lingua, Valentín García, participou hoxe na presentación do libro A Bela Otero de Miguel Ángel Martínez Coello onde salientou o traballo de investigación realizado polo autor sobre a vida desta artista que naceu en Valga no ano 1868. Con motivo desta conferencia, o centro da Universidade Nacional a Distancia en Pontevedra acolle a exposición na que se amosan postais, imaxes e documentos sobre a vida de Carolina Otero, máis coñecida como a Bela Otero.

Redondela (Pontevedra), 4 de novembro de 2024

O director xeral de Cultura, Anxo M. Lorenzo, recibiu hoxe aos escritores que participan na terceira quenda da II Residencia Literaria Illa de San Simón, na que se promove a creación literaria mediante unha estadía de ata dúas semanas neste entorno. Deste xeito, salientou a boa acollida desta proposta o que fixo que nesta última convocatoria se duplicasen as prazas,  “ofrecendo a cada vez máis persoas a posibilidade de vivir unha experiencia única mentres traballan nos seus proxectos”.

Lugo, 4 de novembro de 2024

A Xunta impulsa varias actividades en Lugo para celebrar en novembro o Mes da Ciencia en Galego nas bibliotecas da rede pública da Consellería de Cultura, Lingua e Xuventude, así como nas bibliotecas escolares. O obxectivo desta iniciativa é sensibilizar sobre o valor de empregar o galego na divulgación científica.

A Coruña, 4 de novembro de 2024

A Filmoteca de Galicia acolle en novembro unha programación especial dedicada á documentalista xaponesa Sumiko Haneda e unha nova sesión do ciclo Close-Up: Cine e perspectiva de xénero coa visita da directora Pilar Palomero. A presentación do libro Escuela de cineastas e a continuidade da retrospectiva sobre Agnès Varda son outras das citas que vertebran a nova carteleira mensual.

Cerceda (A Coruña), 4 de novembro de 2024

A delegada da Xunta, Belén do Campo, acompañada polo director territorial da Consellería de Cultura, Lingua e Xuventude, Severino Ares, visitou a  igrexa de San Martiño de Rodís en Cerceda para anunciar un investimento de máis de 157.000 euros, en dúas anualidades entre o anos 2024 e 2025, para a rehabilitación da cuberta promovida pola arquidiocese de Santiago de Compostela a través dun convenio asinado coa Consellería de Cultura, Lingua e Xuventude.

Vila de Cruces (Pontevedra), 3 de novembro de 2024

O secretario xeral da Lingua, Valentín García, participou hoxe nas homenaxes feitas ao autor Xosé Neira Vilas coincidindo coa celebración do 96 aniversario do seu nacemento. Nos actos, que se levaron a cabo na sede da Fundación que leva o seu nome, fíxose unha lectura continuada de Memorias dun neno labrego, unha das obras máis universais da literatura galega e, de feito, a máis traducida e editada.