A Estrada (Pontevedra), 4 de marzo de 2025

O conselleiro de Cultura, Lingua e Xuventude, José López Campos, salientou hoxe a “diversidade e riqueza para o patrimonio inmaterial” de Galicia das diferentes celebracións existentes do Entroido galego, que acaba de ser recoñecido pola Xunta como Ben de Interese Cultural. Fíxoo durante a súa asistencia ao Encontro e Vivas dos Xenerais da Ulla de Cousos, que ademais ten consideración de Festa de Interese Turístico de Galicia.

Santiago de Compostela, 4 de marzo de 2025

A Coruña, 3 de marzo de 2025

O secretario xeral de Emprego e Relacións Laborais, Pablo Fernández, xunto coa directora xeral de Xuventude, Lara Meneses, participou hoxe na xornada piloto do proxecto O camiño do emprendemento musical organizada por Wake Up e impulsada pola Xunta de Galicia. Con esta iniciativa, preténdese introducir, instruír e mentorizar ás mozas e mozos galegos que estean a barallar a industria musical e de eventos como unha saída profesional, compaxinando eventos presenciais e mentorías con artistas e profesionais do sector.

Santiago de Compostela, 3 de marzo de 2025

O presidente da Xunta de Galicia, Alfonso Rueda, anunciou hoxe que o Consello da Xunta aprobou o decreto que declara Ben de Interese Cultural o Entroido ao considerar acreditado o seu valor sobranceiro como “patrimonio inmaterial da nosa Comunidade”.

Santiago de Compostela, 3 de marzo de 2025

Santiago de Compostela, 3 de marzo de 2025.- O Teatro Cine Fraga conta xa cunhas liñas estratéxicas definidas e un plan de usos perfilado co obxecto de converter este edificio emblemático da cidade de Vigo nun espazo escénico, musical, audiovisual e literario de referencia no noroeste peninsular.

Santiago de Compostela, 3 de marzo de 2025.- O Consello da Xunta aprobou hoxe o decreto que declara Ben de Interese Cultural o Entroido ao considerar acreditado o seu valor sobranceiro como patrimonio inmaterial do pobo galego. Esta declaración chega tras recibir os informes favorables do Consello da Cultura Galega e do Museo do Pobo galego, sen que se teña rexistrado ningunha alegación, e supón a aplicación do réxime de tutela da Lei de Patrimonio cultural e, polo tanto, o maior nivel de protección.

O Consello da Xunta autorizou hoxe a sinatura do convenio anual entre o Goberno autonómico e a Academia Galega do Audiovisual, en virtude do que a Consellería de Cultura, Lingua e Xuventude contribúe con 70.000 euros á organización da 23ª edición dos Premios Mestre Mateo. A dotación desta colaboración increméntase nun 16% respecto a 2024, reforzando así o apoio a estes galardóns e ao seu papel como plataforma desde a que compartir coa sociedade a capacidade e calidade dun sector que está a obter tamén numerosos recoñecementos a nivel internacional.

Vigo, 2 de marzo de 2025

O Museo do Mar de Galicia acollerá desde o 13 de marzo ata o 18 de maio a exposición Nicolás Muller en Galicia, unha mostra que recolle unha selección 50 imaxes das 700 fotografías que un dos documentalistas máis relevantes do século XX tomou en terras galegas durante as súas viaxes, moitas delas localizadas nas Rías Baixas. Así, a Consellería de Cultura, Lingua e Xuventude segue a apostar polas itinerancias dos seus proxectos expositivos por todo o territorio, como é o caso desta proposta xestada na Cidade da Cultura.