Rede galega de música ao vivo

Aprender a bailar é en palabras do xornalista musical Carlos Crespo (Fugas) un dos mellores discos producidos en Galicia nos últimos tempos. Anxo Araújo presenta nos escenarios o seu segundo álbum, orixinal e entregado ao pop máis saboroso que pon ao descuberto o lado máis luminoso do artista. O artista emerxe cun disco de sublime pop emparentándose, segundo o crítico Noel Feáns (a Regueifa 2.0), con propostas do indie internacional como os primeiros Vampire Weekend ou os Crystal Fighters.

French Riveira é sinónimo dos 80, do retro, da época dourada das películas de acción, as luces de neón e as pistas de baile. Cos seus sintetizadores, saxo, talkbox, voces en galego e castelán, guitarras funk e baterías disco, evocarache ao frescor do pasado, pero co aroma da actualidade. 

Antía Vázquez (voz e pandeireta), Eloy Vidal (teclado, guitarra e voz) e Pablo Castro (percusións e gaita) forman Alana. Un proxecto musical que mestura a música tradicional con ritmos de base electrónica e pop. A proposta da banda parte das recollidas, un traballo feito coa colaboración de moitas mulleres e homes que desinteresadamente contribúen a preservar a riqueza da música e da tradición.

PAVA é a proposta musical da poeta e compositora coruñesa Lucía Aldao. Un directo eléctrico e pegadizo que vai da psicodelia ao pop rock máis alternativo con tintes de crúas guitarras velvetianas. Nos traballos discográficos de Aldao sobrevoan as sombras de xigantas como PJ Harvey, a personalidade da súa voz e a forza das súas letras orbitan na elipse das novas voces femininas xurdidas nos últimos anos ao outro lado do Atlántico. Analís Guillín (batería), Pablo Silva (guitarra) e David Santos (baixo) acompañan a Aldao neste proxecto musical expansivo.

Martin Human bebe da música dos 90 e os 2000, e o seu estilo está influenciado polo rock americano, o grunge e o country. Á banda formada polo cantante Martín, o baixo Richi e o baterista Marcos, úneselles agora Juancho como guitarra solista, con máis rock and roll e novos temas para este 2025 que prometen ser máis acedos.

A formación deuse a coñecer a finais do ano 2022 co EP Anomaly, un traballo totalmente autoproducido no que se dedicaron a investigar ata conseguir un son crú para o que contan só cos elementos que utilizan nos directos.

The Lákazans presentan en directo o seu novo traballo discográfico, Sandwina, inspirado na muller mais forte do mundo. Nesta nova aventura musical amplían o seu rexistro a novos xéneros da música norteamericana, mais aló do seu blues característico, con referencias que van desde o country ata o mais sentimental rockabillly.

Sabela King & The Heartbreakers trío é unha formación dá que fan parte tres integrantes de The Lákazans: Sabela King (voz e ukelele), Ramón Figueira (harmónicas) e Benjamín Vázquez (guitarras) Nesta aventura paralela a banda presenta un concerto íntimo e intenso non que repasan os temas máis emblemáticos do blues, ou country e ou soul ata chegar á actualidade, adaptando versións dos clásicos destes xéneros a un formato reducido. Non repertorio inclúen tamén algúns temas propios do seu primeiro traballo homónimo, Sabela King & The Heartbreakers.

Roger & Bernard: Conexión Atlántica: de Escocia a Galicia é o espectáculo musical conxunto do trobador pop Roger de Flor e o violinista escocés Bernard Taylor. 

A saudade, a retranca e a calidez de Roger xunto á tradición céltica, a sinxeleza e a alegría contaxiosa de Bernard. Do folk-rock galaico ao folk escocés e do swing ao pop máis atemporal, a química existente entre estes dous músicos singulares confirma que a conexión entre estas dúas nacións celtas vén de antigo. 

The Lákazans presentan en directo o seu novo traballo discográfico, Sandwina, inspirado na muller mais forte do mundo. Nesta nova aventura musical amplían o seu rexistro a novos xéneros da música norteamericana, mais aló do seu blues característico, con referencias que van desde o country ata o mais sentimental rockabillly.

María Fumaça é un proxecto musical de celebración da vida.

Os artistas convidan ao público a participar neste espectáculo a viaxar con eles no tren máis festeiro que nunca houbo ni haberá.

Nos seus vagóns, o ambiente é sempre de festa porque se trata dunha viaxe entre amigos y amigas.

Todos os participantes levan un saquiño cheo de bo humor, de cancións-larpeira e ritmos-cariños, tamén auga fresca por si apreta a sede e unha boa dose de espírito lúdico para viaxar a paso lento y sen destino certo.