Os ilustradores de OINK! -a revista do Xabarín Club póñense mans á obra para dar a coñecer o mundo da banda deseñada á rapazada, e tamén aos que non son tan novos, a través de obradoiros creativos ou de faladoiros divulgativos. Esta actividade está dirixida a nenas e nenos, a partir de 10 anos. Ten unha duración aproximada de 60 minutos.
As personaxes Choupiña e Trasnón preséntanlles aos máis pequenos e pequenas (de 0 a 3 anos) o bebeconto: contamos cos sentidos. Conto interactivo con uso de cores, texturas diferentes e sons variados.
Esta actividade ten unha duración de 30 minutos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Unha actividade para descubrir recunchos das vilas e gozar con fermosos versos de poetas galegas. Pero tamén un xogo no que un gran dado decidirá o que se escoita.
Está actividade de dinamización, con música, teatro e danza está dirixida a adultos, mocidade e nenos e nenas: maiores de 8 anos.
Desenvolvida por Etnoga, ten unha duración de 75 minutos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Cantar e contar con Magín Blanco as historias das viaxes de A nena e o grilo, da locomotora María Fumaça, da Rosalía pequeniña... e quen sabe se algunha outra sorpresa traerá este músico, que transportará coas súas creacións a tantos lugares como se desexe.
Está dirixido a nenos e nenas de 3 a 10 anos anos e ten unha duración de 50 minutos.
Esta actividade forma parte do programa Ler conta moito de dinamización lectora, da Rede Galega de Bibliotecas.
Un obradoiro onde se afonda nas propias capacidades creativas dos nenos e das nenas, desde diferentes actividades relacionadas coa creación da imaxe en movemento, foto a foto, grazas á técnica stop-motion. Deste xeito, os cativos achegaranse ao mundo do cinema, da fotografía, da literatura e das artes plásticas.
Está dirixido á mocidade e tamén a nenos e nenas, de 6 a 12 anos, e ten unha duración de 360 minutos, en 4 sesións.
Esta actividade forma parte do programa Ler conta moito, que se desenvolve na Rede de Bibliotecas de Galicia.
Nos primeiros anos de vida movémonos pola curiosidade. Por iso é esencial aproveitar todos os momentos para que os nenos e as nenas aprendan da forma máis divertida. A ciencia está presente na nosa vida e os nenos e as nenas aínda o están descubrindo.
Esta actividade forma parte do programa Ler conta moito de dinamización lectora, da Rede de Bibliotecas de Galicia.
Obradoiro creativo que achega a mozos e mozas as ferramentas para a produción de curtametraxes a partir de textos da biblioteca. O obradoiro está dirixido á mocidade, a nenos e nenas entre 10 e 12 anos e colectivos con necesidades especiais (7 horas).
Ten unha duración de 420 minutos, distribuídos en 4 sesións.
Actividade de Ler conta moito, da Rede de Bibliotecas de Galicia.
Contos que fomentan a igualdade e o respecto...
O espectáculo está dirixido a nenos e nenas entre os 6 e os 12 anos e ten unha duración aproximada de 45 minutos.
Esta actividade forma parte da campaña de dinamización da lectura Ler conta moito, da Rede Galega de Bibliotecas.
Unha posta en escena onde a maxia e a música en forma de MaxicoSons se unen para facer unha aventura entre libros.
O espectáculo está dirixido principalemente a nenos e nenas entre os 3 e os 14 anos, adultos e mocidade. Ten unha duración aproximada de 60 minutos.
Esta actividade forma parte do programa Ler conta moito de dinamización lectora, da Rede de Bibliotecas de Galicia.
Que pasaría se o lobo da Carrapuchiña se fixese vexetariano? Que acontecería se a madastra de Branca de Neve se convertese nun dos tres porquiños cada vez que se mira no espello? A resposta a estas e outras preguntas poderémola descubrir no novo espectáculo para bibliotecas de Elefante Elegante.
O espectáculo está dirixido a nenos e nenas entre os 3 e os 7 anos. Ten unha duración aproximada de 50 minutos.
Esta actividade forma parte do programa de dinamización da lectura na Rede de Bibliotecas de Galicia Ler conta moito
