Teatro

Esta é a historia de dous irmáns: Santiago e Peque e a aventura que emprenden para aprender a verse e escoitarse de verdade, a aceptar ao outro tal e como é, coas súas virtudes e defectos. É un camiño dende o egoísmo cara á solidariedade e á tolerancia. Santiago e Peque aprenderán a apreciarse e quererse como irmáns, cantando e bailando ao son da música orixinal do espectáculo.

O Camiño de Santiago é, en definitiva, a viaxe da fraternidade reencontrada dende o xogo, é o camiño onde se constrúe o vínculo fraterno.

Público: familiar, recomendado para maiores de 4 anos

Autor e director: Cándido Pazó

Elenco:Toño Casais, Artur Trillo, María Ordóñez e Dani Trillo

Foucellas. Da historia ao mito. Do mito á ficción teatral.

Montaxe escénica que fala dos soños que cada persoa constrúe vistos desde un zapato que conta a historia, o zapato que nos sostén e nos dá o camiño. 

'Búscame ese tipo' é unha proposta de comedia negra ambientada nos anos 40 e con dous detectives privados como protagonistas. Unha muller contrátaos para atopar a un home e veranse inmersos nunha investigación constantemente interrumpida por múltiples personaxes relacionados coa familia mafiosa máis importante da cidade. 

Sinopse: O punto de partida de A filla de Woody Allen é o inicio dunha viaxe da protagonista na procura de seu pai, do cal só sabe que vive en Nova Iork e que lle manda un agasallo cada ano polo seu aniversario. Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital. Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria. Ela loita. É incansable. É vitalista. E pon todas as súas esperanzas nese ser descoñecido.

Texto: Fernando Epelde
Dirección: Tito Asorey

O show de Serxio Pazos combina crítica social con risas descontroladas e anécdotas da vida. Analiza os problemas sociais cunha óptica diferente cos recortes e a política como tema de fondo. Durante a súa función, o actor realizará unha detallada explicación sobre a forma de ser dos galegos e a súa forma de comprender o mundo.

Entrada: 8 euros

A obra de Xosé Neira Vilas, un dos libros máis singulares da literatura galega, en versión teatral con adaptación e textos complementarios de Cándido Pazó.  É o que ofrece este espectáculo "Memorias dun neno labrego", un emotivo e divertido espectáculo no que Cándido Pazó mestura a súa experiencia como autor, actor e director coa de contador de historias e monologuista. 

As entradas teñen un prezo de entre 6 e 10 euros en venda anticipada. O día da función o prezo será de entre 6 e 12 euros. 

Manuel de Paderna é un home que posúe o enfeitizo poético e o dominio da palabra que fai parar as augas dos ríos, variar a situación dos mares, abrollar as fontes ou curar as persoas. Hai quen di que mesmo os paxaros suspendían os seus voos e ficaban inmóbiles no aire para aprenderen o seu canto e melodía... Manuel de Paderne é algo poeta, tamén traballa de barbeiro e de alguacil municipal.

A partir dos textos de Manuel María, neste espectáculo teatral constrúese unha viaxe divertida e curiosa a través de varias historias que lle acontecen a este máxico personaxe.

Comedia dirixida por Noemí Aedo na que dúas irmás en paro, avogada e psicóloga, abren un despacho profesional ao que acuden para resolver os seus problemas un variado grupo de "chifletas".

A duración da obra é de aproximadamente 1 hora.