Proxección audiovisual

Iacarta, ano 1965. Ao inexperto reporteiro australiano Guy Hamilton preséntaselle a oportunidade da súa vida cando o mandan como enviado especial a Indonesia. No turbulento escenario da insurrección comunista contra o presidente Sukarno, coñece a Billy Kwan, un enigmático fotógrafo, e a Jill Bryant, unha atractiva muller que traballa na embaixada inglesa.

Director: Peter Weir
Intérpretes: Mel Gibson, Sigourney Weaver, Linda Hunt, Michael Murphy, Bill Kerr, Noel Ferrier.
Australia, 1982 / 115 min.
Non recomendada para menores de 14 anos.

A historia comeza en Australia occidental en 1915 con Archie, un mozo corredor de 18 anos que o único que quere é ir á guerra para combater contra Turquía, un aliado do Imperio Alemán. Con todo o seu tío Wallace só quere que sexa corredor. Logo dunha carreira, Archie vaise a inscribir á cabalería, pero uno dos que estaban presentes dille aos oficiais que Archie non tiña 21 anos, polo que non podía inscribirse, alí coñece a Frank quen lle di que en Perth podía inscribirse.

A acción transcorre en Palestina en 1917. Durante a Primeira Guerra Mundial (1914-1918), o exército británico avanza cara a Gaza, pero as forzas turcas deteñen o seu ataque. Entre as tropas destacan os Xinetes de Lenda, un heroico grupo australiano de cabalaría. Un soldado deste corpo cae ferido durante un ataque aéreo e é trasladado ao hospital. Alí coñece unha enfermeira coa que establece unha grande amizade.

Director: Simon Wincer
Intérpretes: Peter Phelps, Nick Waters, John Larking
Australia, 1987 / 131 min.
Non recomendada para menores de 16 anos.

John Grant, un excelente profesor que chega a unha cidade de mineiros situada nun inhóspito deserto, decide pasar alí a noite antes de coller un avión para Sidney. Pero pasan cinco noites e parece que Grant se está achegando pouco a pouco á autodestrución. Cando os efectos do alcohol empezan a desfigurar a súa percepción das cousas, xorde un aspecto da súa personalidade moi pouco agradable, que se traduce nun gran desprezo por si mesmo.

Catro matrimonios vense atrapados nunha diabólica rede de amor, engano, sexo e morte, á que non todos sobreviven. O detective Leon Zat móvese por un escuro labirinto de relacións humanas na súa investigación para resolver o misterio da desaparición dunha muller casada cun importante home de negocios.

Director: Ray Lawrence
Intérpretes: Anthony LaPaglia, Geoffrey Rush, Barbara Hershey
Australia, 2001 / 121 min.
Non recomendada para menores de 13 anos.

O Día de San Valentín de 1900, as rapazas dunha escola deciden facer un pícnic en Hanging Rock. É posible que algunhas delas nunca volvan...

Director: Peter Weir
Intérpretes: Rachel Roberts, Anne-Louise Lambert
Australia, 1975 / 118 min.
Apta para todos os públicos.

Tras a morte da súa nai, Joshua J Cody ten que trasladarse á casa da súa avoa Janine, que vive en Melbourne cos seus tres fillos, Andrew, Darren e Craig, todos implicados en negocios ilegais. Inevitablemente, o rapaz verase envolto nos turbios asuntos dos seus tíos, sobre todo cando se produza un enfrontamento entre os seus familiares e as autoridades locais, situación que provocará unha serie de asasinatos a sangue frío.

Tres lugartenentes australianos son sometidos a un consello de guerra por asasinato. O oficial encargado do proceso le as notas preliminares que implican a Harry Harbord Breaker Morant, George Witton e Peter Handcock na morte dun misioneiro alemán e de varios prisioneiros bóer confinados nunha prisión custodiada polo exército inglés. O oficial defensor, o comandante Thomas, entende que o proceso presenta certas irregularidades.

Tres artistas de cabaré residentes en Sidney son contratadas para actuar durante unhas semanas nun hotel situado no Deserto Vermello de Australia. Felicia e Mitzi, raíñas do drag, e Benardette, transexual, propóñense atravesar todo o país a bordo dun autobús con música a todo volume, repleto de traxes de abelorios e zapatos de plataforma.

Director: Stephan Elliott
Intérpretes: Terence Stamp, Hugo Weaving, Guy Pearce
Australia, 1994 / 104 min
Non recomendada para menores de 13 anos.

VV.AA, 2014, 55 min.

Realización do proxecto: Sabela Pernas Soto, Ana Seijo Cuba, Adriana Pérez Villanueva, Sandra Martínez Fernández.

Realización das pezas audiovisuais: Katia Armesto Pérez, Alejandro Fuentes Fernández, Iria Zeltia Sánchez Gómez, Tania Ruano Iglesias, Natalia Blanco, Víctor Fernández Cacho.