Morir por la cima é un documental sobre Carlos Suárez, un dos deportistas extremos máis destacados a nivel internacional, e no que se amosa a súa historia desde que aos 14 anos elixiu unha vida chea de desafíos, aventuras e superación.
Trátase dun evento de proxección baixo demanda organizado a través de Screenly, polo que a proxección só terá lugar se venden un número mínimo de entradas. Máis información en Screenly.
A primeira sesión das Xornadas de Cinema, Viño e Cultura Galega está dedicada a figura de Emilia Pardo Bazán, escritora destacada de finais do século XIX e das primeiras décadas do século XX. O evento centrarase na súa crítica do caciquismo e na súa posición feminista. Entre os temas que se abordarán no evento tamén estarán as referencias á cultura do viño ou a súa crítica ás duras condicións de traballo das operarias da fábrica de tabacos da Coruña, expostas en La tribuna.
O mozo e simpático Adam emprende unha misión épica para intentar descubrir o misterio que esconde a desaparición do seu pai.
Vértice de Versos é unha longametraxe documental na que se repasa o acontecido desde os anos 90 no universo poético de Galicia. É a primeira vez que un documental profundiza na poesía galega, descubrindo a súa historia, contando a revolución literaria dos 90 e analizando as novas formas de expresión poética.
É o primeiro traballo como director de Carlos Lorenzo.
A entrada será libre ata completar capacidade no caso de Celanova e baixo retirada de invitación no de Carral.
Álvaro quere ser escritor, pero todo o que escribe é falso, pretencioso, insípido. Traballa como escribente nunha notaría de Sevilla e a súa vida é gris, coloreada só polos seus soños.
Cando o menor dos seus fillos se decata de que a súa nai perdeu a vértebra da súa bisavoa asasinada, gardada ao longo de tres xeracións, a familia emprende unha divertida procura entre os máis peculiares e estraños obxectos que Julita foi acumulando ao longo dos seus máis de oitenta anos.
Na Inglaterra rural de 1865, Katherine vive angustiada por culpa do seu matrimonio cun home amargado ao que non quere e que lle dobra a idade, e da súa fría e despiadada familia.
Tras loitar na Primeira Guerra Carlista, Martín volve ao seu casarío familiar en Gipuzkoa e alí descobre con sorpresa que o seu irmán menor, Joaquín, é moito máis alto do normal.
A finais dos anos 50 Florence Green decide facer realidade un dos seus maiores soños: abandonar Londres e abrir unha librería nunha vila da costa británica
O Cineclub Bueu acolle o pase de O día máis feliz na vida de Olli Mäki. A película, rodada en branco e negro, fíxose no 2016 co galardón Un Certain Regard no festival de Cannes e co Premio FRIPESCI (outorgado pola prensa especializada) nos Premios do Cine Europeo.
